Yalnız bu halda təhvil veriləcək - Paşinyan Azərbaycanla sərhəddən danışdı

Ermənistan və Azərbaycan yaxın gələcəkdə delimitasiya prosesini davam etdirəcək.

Publika.az xəbər verir ki, bu barədə Ermənistanın baş naziri Nikol Paşinyan deyib.

O, sərhədin 12 kilometrlik hissəsinin delimitasiya edildiyini, Ermənistan sərhəd qoşunlarının bu ərazidə xidmət etdiyini xatırladıb. Bildirib ki, qarşıdakı dövrdə bu proses davam edəcək və delimitasiya tamamlanacaq.

“Delimitasiya və demarkasiya nəticəsində Silahlı Qüvvələr döyüş mövqelərində yox, daimi dislokasiya ərazilərində xidmət edəcəklər. Onilliklərdir ki, onlar bizə məlum olan vəziyyətə görə şəraitin heç də yaxşı olmadığı səngərlərdə və mövqelərdə xidmət edirlər. Sərhəddəki güclü istehkamlar və müdafiə strukturları sərhəd qoşunlarına təhvil veriləcək, lakin bu, yalnız Azərbaycanla tamhüquqlu sülh şəraitində baş verəcək. Ermənistan bu istiqamətdə hər gün daha da inamla irəliləyir”, - o bildirib.

Paşinyan qeyd edib ki, Ermənistanın Gürcüstanla sərhədində də delimitasiya prosesinin aparılması gündəliyə daxildir.

Asif