Tabloid.az

Ən yaxşı filmə 4000 avro veriləcək

24 İyun 2014 19:45

İyunun 25-29-da II Bakı Beynəlxalq Turizm Filmləri Festivalı keçiriləcək.

Publika.az-ın məlumatına görə, festivalın müsabiqə proqramında 37 ölkədən 68 film mübarizə aparacaq. Filmləri kinematoqrafçılardan, səyahət və turizm ekspertlərindən ibarət 7 nəfərlik beynəlxalq münsiflər heyəti qiymətləndirəcək.

Münsiflər heyətinin 3 üzvü Azərbaycan (Ayaz Salayev, Aynur Talıbova və Vüqar Şıxəmmədov), 4 üzvü isə xarici ölkələrin təmsilçiləridir (Aleksandr Kammel, Spomenka Saraqa, Tofiq Şahverdiyev, Can Özbatur).

Qeyd edək ki, beynəlxalq münsiflər heyəti hər kateqoriyada 3 filmi müəyyən edərək mükafatlandıracaq.

I yerə Qızıl Mükafat (diplom, mükafat və 2000 avro pul), II yerə Gümüş mükafat (diplom və mükafat), III yerə Bürünc mükafat (diplom və mükafat) təqdim ediləcək.

Festivalın ən yaxşı filminə isə "QRAN PRİ" (diplom, mükafat və 4000 avro pul) təqdim ediləcək.

Cəvahir Səlimqızı