Azərbaycanlı aparıcı ən böyük SƏHVİNDƏN DANIŞDI: “Tüklərim biz-biz oldu” - FOTO

“Lal yuxu” serialının baş rol qəhrəmanı və tanınmış aparıcı Şəhriyar Əbilov bu vaxta qədər ikinci yarısını tapmadığı üçün təəssüf hissini ifadə edib.

Tanınmış televiziya ulduzu Publika.az-ın “Üç nöqtə” layihəsi çərçivəsində yarım qalmış cümlələri tamamlayıb.

- İndiki ağlım olsaydı...

- Yaradıcılığa və karyerama daha tez başlayardım.

- Zəmanət verə bilərəm ki...

- Hər zaman keyfiyyətli işlər təqdim etməyə çalışacağam.

- Dünyanı dəyişmək imkanım olsaydı...

- Müharibələrin qarşısını alardım.

- Kişilər o qadınlara xəyanət etmir ki...

- Onlar üçün hər zaman maraqlı olan qadınları kişilər aldatmır.

- Seviləsi qadın olmağın ilkin şərti...

- Ağıllı, gözəl və cazibədar olmalıdır, həmçinin qadın kişini yaxşı başa düşməyi bacarmalıdır ki, onun üçün əvəzolunmaz ola bilsin.

- Qadınlar yaşını ona görə gizlədir ki...

- Hər zaman cavan görünmək istəyirlər, başa düşülən haldır.

- Qadına qarşı şiddət...

- Anormallıqdır, xanımlara qarşı hər zaman diqqətli olmaq lazımdır ki, o da öz sevgisini qaytara bilsin.

- Vicdanıma and olsun ki...

- Heç vaxt Allahsız olmayacam.

- Təəssüf edirəm ki...

- Sevə biləcəyim insanı hələ tapmamışam.

- Vanqa nənə ilə görüşsəydim...

- Deyərdim ki, bu işlə məşğul olmasın, haramdır.

- Küsülü olduğum insana demək istəyirəm ki…

- Küsülü olduğum şəxs yoxdur, halallığı verirəm.

- Unuda bilmədiyim sevgilimə demək istəyirəm ki...

- Vaxtında çox böyük səhv edib, buna baxmayaraq onu hələ də unuda bilmirəm.

- Ən böyük səhvim o olub ki...

- Böyük səhvim olmayıb.

- Kiminsə yalan danışdığını hiss edəndə...

- Ondan uzaqlaşıram.

- Allah insanları ona görə qeyri-bərabər yaradıb ki...

- Dünya maraqlı olsun deyə.

- Bəşəriyyətin gələcəyi haqqında fikirləşəndə...

- Tüklərim biz-biz olur.

- Günahlarım yadıma düşəndə...

- Tövbə edirəm.

- Dostlarıma ən çox onu məsləhət görürəm ki…

- Məni çox istəsinlər (gülürük).

- İlahi ədalətə inancımı o zaman itirdim ki…

- Allahın ədalətinə həmişə inanmışam.

- Heç vaxt heç kimə icazə vermirəm ki...

- Həddini aşsın.

- O zaman riskə gedirəm ki...

- Nəticənin gözəl olacağına inananda düşünmədən risk edirəm.

- Pis vəziyyətə düşəndə...

- Dua edirəm.

- Yaxşı gündə, pis gündə...

- Yaxşı dostlar hər zaman yanımda olsun.

- Çox sağ olun. Biz sizə ancaq yaxşı günlər arzu edirik.

- Minnətdaram.

Aytən