Qərb Kremlə qarşı son silaha əl atır – ÖLDÜRÜCÜ OLACAQ
Bizi izləyin

Dünya

Qərb Kremlə qarşı son silaha əl atır – ÖLDÜRÜCÜ OLACAQ

Məhdudiyyətlər Suriyanın Hələb şəhərinin bombalanmasında günahkar olan Rusiya şirkətləri və yüksək vəzifəli şəxslərə aid olacaq”.

“ABŞ Rusiyaya qarşı sanksiyaları genişləndirə bilər. Məhdudiyyətlər Suriyanın Hələb şəhərinin bombalanmasında günahkar olan Rusiya şirkətləri və yüksək vəzifəli şəxslərə aid olacaq”.

Publika.az “Obozrevatel” nəşrinə istinadən xəbər verir ki, bunu Ratqers Universitetinin (ABŞ-ın Nyu-Cersi ştatı) politologiya üzrə professoru Aleksandr Motıl bildirib.

Onun sözlərinə görə, Qərbin sanksiyaları siyasi və iqtisadi elitaya qarşı yönəlməlidir.

“Beləliklə, sanksiyalar onların Qərbdəki hesablarını dondurmalı, onların və ailə üzvlərinin Qərbə səfər hüququnu və kreditlərə girişini məhdudlaşdırmalıdır. Ola bilər, artıq Rusiyanın SWIFT-dən uzaqlaşdırılması haqqında ictimai müzakirələrə başlamağın vaxtı gəldi. Putin anlamalıdır, bu ola bilər. Avropa Birliyinə gəlincə, onun xüsusi iqtisadi alətləri var. Amma, bildiyim qədər, Avropa Birliyində hansısa gizli məxfi silah yoxdur”, - o, vurğulayıb.

Qeyd edək ki, Qərbdə Rusiyanın SWIFT maliyyə sistemindən (Ümumdünya Banklararası Maliyyə Telekommunikasiya Cəmiyyəti) kənarlaşdırılmasının bu ölkəyə qarşı ən böyük zərbə olacağını hesab edirlər.

Dünyanın 200-dən çox ölkəsinin 10,5 mindən çox bankı Belçikanın La-Yulp şəhərində yerləşən SWIFT-in xidmətlərindən xarici banklara pul göndərmək üçün istifadə edir. Bu banklararası sistemin köməyi ilə İl ərzində təxminən 4 milyard əməliyyat həyata keçirilir. Hansısa bir ölkənin sistemə girişini bağlamaqla, onun iqtisadiyyatını çökdürmək olar.

ABŞ hökuməti 2001-ci il 11 sentyabr terror aktlarından cəmi bir neçə gün sonra lazımi məlumatların verilməsi xahişi ilə SWIFT-in o vaxtkı rəhbəri Lenni Şranka rəsmi sorğu göndərmiş və istədiyini almışdı. İran banklarının SWIFT-ə girişdən məhrum edilməsi isə ABŞ-ın ən böyük müvəffəqiyyəti olub. Nəticədə, bu ölkə ilə beynəlxalq ticarət praktik olaraq sıfra qədər düşüb.

ABŞ Dövlət Administrasiyasının bəzi rəsmiləri də Rusiyanın SWIFT sistemindən kənarlaşdırılacağına ümid edir. “ABŞ Ukrayna məsələsində əvvəlki kimi diplomatik həllə üstünlük verir. Amma bu variant hələ lazımlı effekt verməyib. Başqa yola gəlincə, bizim Rusiyaya təsir imkanlarımız hələ bitməyib”, - Dövlət Administrasiyasındakı mənbə bildirib.

O, bunun Rusiya üçün çox ağrılı olacağını deyib.

Hələ ötən il Rusiyanın “VTB” Bankının prezidenti Andrey Kostin bildirib ki, maliyyə sanksiyalarının tətbiqi, o cümlədən Rusiya banklarının SWIFT beynəlxalq maliyyə sistemindən kənarlaşdırılması yolverilməzdir və bu tammiqyaslı müharibəyə gətirib çıxara bilər.

Xatırladaq ki, ABŞ dövlət katibi Con Kerri oktyabrın 16-da Londonda keçirdiyi mətbuat konfransında yaxın bir neçə gün ərzində Rusiya və Suriyaya qarşı yeni sanksiyaların tətbiqi barədə qərar qəbul edilə biləcəyini deyib. "Biz əlavə sanksiyaların tətbiqini müzakirə edirik, prezident Obamada müxtəlif variantları nəzərdən keçirir. Düşünürəm ki, yaxın bir neçə gün ərzində məsələyə aydınlıq gətiriləcək", - Con Kerri bildirib.

Bundan əvvəl Böyük Britaniyanın xarici işlər naziri Boris Conson bildirib ki, ABŞ və Böyük Britaniya Hələbdəki vəziyyətə görə Suriya və Rusiyaya qarşı iqtisadi sanksiyalar tətbiq edə bilər.

Ömər Dağlı

Oxumağa davam et
Reklam
Reklam

Gündəm