• USD 1,7012 0,00% EUR 1,9783 0,00%
    • GBP 2,2065 0,00% RUB 0,0289 0,00%

Kanalizasiyaya düşən şəxs və onu xilas etmək istəyən FHN əməkdaşı öldü: 4 yaralı - YENİLƏNDİ

  • Hadisə
  • 18 İyul 2017 18:34
  • 874 Baxış
Kanalizasiyaya düşən şəxs və onu xilas etmək istəyən FHN əməkdaşı öldü: 4 yaralı - YENİLƏNDİ

Sumqayıt şəhərində 76-cı məhəllədə kanalizasiya quyusunda xilasetmə zamanı zəhərlənən 4 nəfər Bakıya gətirilir.

Bu barədə Publika.az-a Sumqayıt Şəhər Təcili Tibbi Yardım Xəstəxanasından məlumat verilib. Xəstəxanadan bildirilib ki, Bakıdan çağrılan həkimlər onları müayinə edib və xəstələrin Klinik Tibbi Mərkəzin toksikologiya şöbəsinə yerləşdiriləcək.

***

Sumqayıtda baş vermiş hadisə zamanı zəhərlənən şəxslərin adları məlum olub.

Onlar – 1988-ci il təvəllüdlü Əhmədov Namiq Zahid oğlu, 1993-cü il təvəllüdlü Məmmədov Natiq Namiq oğlu, Əliyev Ayaz Niyazi oğlu və Bağırov Zahid Maqsud oğludur. N. Əhmədov və N. Məmmədovun vəziyyəti ağır, digərlərinin vəziyyəti isə orta ağır kimi qiymətləndirilir. (apa)

***

Fövqəladə Hallar Nazirliyi Sumqayıtda baş vermiş hadisə ilə bağlı məklumat yayıb.

Nazirliyin mətbuat xidmətindən Publika.az-a verilən məlumata görə, iyulun 18-də saat 14:16-da Fövqəladə Hallar Nazirliyinin Böhran Vəziyyətlərində İdarəetmə Mərkəzinə Sumqayıt şəhərindəki 76-cı məhəllədə kanalizasiya quyusuna bir nəfərin düşməsi haqqında məlumat daxil olub. FHN Sumqayıt Regional Mərkəzinin xilasediciləri dərhal hadisə yerinə cəlb olunub.

Quyuya düşmüş vətəndaşın meyiti xilasedicilər tərəfindən çıxarılıb, lakin baş vermiş bədbəxt hadisə nəticəsində əməkdaşlardan bir nəfəri həlak olub, üç nəfər isə xəsarət alıb.

Faktla bağlı araşdırma aparılır.

***

Sumqayıt Şəhər Təcili Tibbi Yardım Xəstəxanasından Publika.az-a verilən məlumata görə, zəhərlənən şəxslər reanimasiya şöbəsinə yerləşdirilib.

“4 nəfər reanimasiya şöbəsinə yerləşdirilib. Onlara ilkin tibbi yardım göstərilib. Tənəffüs yolları təmizlənib, sistem qoşulub. Yaralananların şəxsiyyəti dəqiq müəyyən edilməyib. Onların vəziyyəti orta ağır və ağır dəyərləndirilir”.

***

Sumqayıt şəhər sakini kanalizasiya quyusuna düşüb və ölüb. Hadisə şəhərin 76-cı məhəlləsində qeydə alınıb.

Quyuya düşən şəxs ölüb. Fövqəladə Hallar Nazirliyi(FHN) Sumqayıt Regional Mərkəzinin həmin şəxsi xilas etmək üçün quyuya düşən bir əməkdaşı da qazdan boğularaq dünyasını dəyişib, daha üç əməkdaş isə zəhərlənib.

Zəhərlənən şəxslər xəstəxanaya yerləşdiriliblər.

Ölənlərin və zəhərlənənlərin şəxsiyyəti müəyyənləşdirilir.

Sumqayıt şəhər Səhiyyə İdarəsindən verilən məlumata görə, zəhərlənən şəxslərə tibbi yardım göstərilir.

Onlardan ikisinin vəziyyəti ağırdır.

Gülxar

Загрузка...

Xəbər lenti

DAHA ÇOX XƏBƏR