Müsahibə
Tanınmış azərbaycanlı futbolçu “şou-biznes”də – “Məni aldatdılar”
Hazırda “Sumqayıt”ın meneceri kimi fəaliyyət göstərən keçmiş futbolçu Ceyhun Sultanov, sən demə, futbol oynadığı dönəmlərdə əməlli-başlı şou-biznes sahəsinə də girişib.
Mətbuatda yeni yayılan bu iddiaya görə, təxminən 10-12 il öncə Sultanovun şou-bizneslə bağlı qəzeti çap olunurmuş. Lakin sonradan ortaya çıxan müəyyən problemlər üzündən Sultanov qəzeti bağlamağa qərar verib.
Azərbaycan futbolunda yetərincə tanınmış Ceyhun Sultanovla bu məsələ ilə bağlı söhbətləşdik.
Publika.az-a danışan Sultanov bu məsələnin illər sonra üzə çıxmasına təəccübləndiyini deyib.
- Ceyhun bəy, deyilənlərə görə, 10-12 il öncə - futbol oynadığınız dövrlərdə şou-bizneslə bağlı qəzetiniz olub?
- Bəli, olub. Qəzetin adı da “Şou-biznes press” idi.
- Bəs niyə bağlandı?
- Heyəti özüm dağıtdım. İncidim, bağladım.
- Nəyə görə incidiniz?
- Hər şey yaxşı idi. Sadəcə, məni aldatdılar. Məni aldadanda da özümə gələ bilmirəm. Bundan sonra da qəzeti dağıtmağa qərar verdim.
- Azərbaycan futbolunda yetərincə tanınan birinin “şou-biznes”lə bağlı qəzet çıxarmağa qərar verməsi maraqlıdır...
- Tanışlar var idi, ideya verdilər, mən də etdim.
- Məşhur jurnalistlərdən kimlər var idi?
- Çox adam var idi. Mən sadəcə, idman jurnalistikasında olanları tanıyırdım və onları cəlb etmişdim.
- Qəzet təxminən nə qədər fəaliyyət göstərdi?
- Qəzet 2007-ci ildən fəaliyyət göstərməyə başlamışdı. Amma nə qədər davam etdiyini dəqiq xatırlamıram, yadımda deyil.
- Gündəlik qəzet idi, ya həftəlik?
- Xeyr, həftəlik çıxırdı. Amma yaxşı başlamışdıq. Sonra dediyim səbəblər üzündən qəzeti bağlamalı oldum.
- Bu qəzetin sizin rəhbərliyinizlə çıxdığını bilirdilər, yoxsa gizli saxlayırdınız?
- Çox adam bilmirdi. Çünki mənim adıma deyildi. Sadəcə olaraq, maliyyə məsələlərini mən həll edirdim.
Qeyd edək ki, qəzetin fəaliyyəti dövründə C.Sultanov “Xəzər Lənkəran”ın formasını geyinirdi. Sultanov 2007-2010-cu illərdə cənub klubunda çıxış etdiyi dövrdə 54 matça çıxıb və 3 qol vurub.
Aygün İlqarqızı
-
Ekologiya02:00
Güclü maqnit qasırğası başladı - Nələr olacaq?
-
İdman01:10
Mbappe gedəcəyini elan etdi - Bu oyunda vida mərasimi olacaq
-
Qoroskop00:43
Günün qoroskopu: planlar pozulacaq - Bunları edin!
-
İdman10 May 23:46
Lalə Kramarenko: Azərbaycanın təklifini qəbul etmək xəyanət olar
-
Sosial10 May 23:34
Dünya rekordçusu olan laçınlı nənə Heydər Əliyevlə bağlı xatirələrini bölüşdü - VİDEO
-
Ekologiya10 May 23:10
Günəşdə 25 ilin ən güclü partlayışı baş verdi
-
Art10 May 22:21
Murad Muradov süni nəfəs aparatına qoşulub - YENİLƏNDİ
-
Elm və təhsil10 May 22:00
Abituriyentlərin NƏZƏRİNƏ: nəticələr elan olundu