Mətbəx
Şirniyyatları və yeməkləri az kalorili bişirməyin qaydaları
Kökəlmədən ürəyinin istədiyi hər şeyi yeməyi kim istəməz ki? Bu, hamını xoşbəxt edərdi. Bəs, bu, mümkündür?
Publika.az-ın mətbəx bölməsi xəbər verir ki, şirniyyatlar və xəmir xörəklərinin bişirilmə qaydasına diqqət etdikdə kökəlmənin qarşısını qismən ala və həmin yeməkləri nuşcanlıqla yeyə bilərsiniz.
Yeməklərin az kalorili olmasını təmin edən həmin qaydalara riayət etməlisiniz. Bu qaydalara tabe olduğunuz müddət ərzində yeməklərin az kalorili olmasına nail ola və ürəyiniz istədiyini yeyib sağlam bir bədənə qovuşa bilərsiniz.
1. Yeməkləri bişirəndə qızartma üsulundan istifadə etməyin. Bu üsul ərzaqların qida dəyərini aşağı salır, vitamin və mineralları öldürür, yeməklərin kalorisini yüksəldir.
2. Hazırladığınız xörəyin qida dəyərinin itməməsi üçün tərəvəzləri sobada pörtün və ya buxar üsulundan istifadə edərək bişirin.
3. Yemək bişirəndə duzdan az istifadə edin. Duz əskikliyini ədviyyatları düzgün və normal qaydada istifadə edərək aradan qaldıra bilərsiniz. Az duzlu və az yağlı, amma çox ləzzətli yeməklər hazırlamaq olar.
4. Yeməkdə istifadə etdiyimiz hər növ yağ kökəldir. İstifadə etdiyimiz yağın miqdarı da əhəmiyyətlidir.
5. Yağın miqdarı yeməyin növündən asılı olaraq, dəyişir. Qızartma yeməklərdə (qızartmağı təklif etmirik) zeytun yağı və ya kərə yağı qətiyyən istifadə etmək olmaz. Çünki bu yağlar tez yanırlar. Onların yerinə günəbaxan yağı və ya qarğıdalı yağına üstünlük verin. Yeməkləri bir növ yağda bişirməyin. Zeytun yağı+günəbaxan yağı+soya yağı: üçünü qarışdıraraq bişirin. Bu daha faydalıdır.
6. Salat hazırlayanda zeytun yağı ilə soya yağını qarışdırıb əlavə edin.
7. Zeytun və soya yağları sağlamlığa daha faydalıdır, amma yenə də normal qaydada istifadə edilməlidir.
8. Məsələn, 1 kq. tərəvəzli yemək bişirmək üçün 2 xörək qaşığı zeytun yağı kifayət edir. Bu, kökəlməyin qarşısını alır.
9. Şirniyyat hazırlayanda şəkər əvəzinə bal, doşab, meyvə və meyvə quruları istifadə edin. Yaxud da şəkərini az qatın.
10. Unlu ərzaqlardan imtina etmədən də arıqlamaq mümkündür. Keks, piroq, peçenyeləri tam buğda unu, çovdar unu, kəpəkli unlarla bişirin. Beləliklə, aşağı kalorili və lif dəyəri yüksək olan şirniyyatlardan doyunca yeyə bilərsiniz.
11. Şirniyyat dəlisinizsə və ideal bədən quruluşunuzu qorumaq istəyirsinizsə, şirəli və ya qızardılmış şirniyyatlar əvəzinə, südlü, yüngül desertlər və ya dondurmalar yeyin.
Yeməkləri və şirniyyatları bu qayda ilə hazırladıqda sağlam qidalanma vərdişi qazanar və bədəninizə zərər verməyəsiniz.
-
Gözəllik02:43
Onun tumu qızıl qədər dəyərli imiş... - Botoks effekti verir
-
Ekopublika.az02:19
Bakının bu ərazisi PLANA DÜŞDÜ - Tezliklə söküləcək
-
İdman01:15
Arda tarixi matçında belə qol vurdu - VİDEO
-
Qoroskop00:45
Günün qoroskopu: hadisələrin axarına müdaxilə etməyin, çünki...
-
Magazin126 Aprel 23:26
Xumar Qədimova daha bir məşhur şeiri mahnıya çevirdi - VİDEO
-
İnanc26 Aprel 23:02
Həcc ziyarəti ilə bağlı zəvvarlara XƏBƏRDARLIQ
-
Region26 Aprel 22:37
Başqa çıxış yolumuz yoxdur - Paşinyan
-
Hadisə26 Aprel 21:47
Dörd aylıq körpə binadan necə düşüb? - Hadisə yerindən GÖRÜNTÜLƏR