• USD 1,7000 0,00% EUR 1,9900 -0,11%
    • GBP 2,3187 -0,06% RUB 0,0233 0,00%

Tramp ELAN ETDİ: 45 min amerikalı üçün ABŞ Əfqanıstana qayıda bilər

  • ABŞ
  • 22 Avqust 2021 11:25
  • 527 Baxış
Tramp ELAN ETDİ: 45 min amerikalı üçün ABŞ Əfqanıstana qayıda bilər

ABŞ-ın keçmiş prezidenti Donald Tramp Amerika ordusunun Əfqanıstandakı 45 min amerikalını qorumaq üçün bu ölkəyə geri dönə biləcəyini söyləyib.

Publika.az xəbər verir ki, Tramp bir daha hazırkı lider Co Baydeni ABŞ ordusunu geri çəkmək üçün uğursuz qərar verməkdə günahlandırıb.

“Əfqanıstana girməyə məcbur ola bilərik. Bəlkə də getməyəcəyik, amma bu gərəkdir. Əgər Əfqanıstana daxil olmağa hazır deyilsinizsə, o 45 min insanı bir daha görməyəcəksiniz”, - deyə Tramp bildirib.

Eks-prezident Əfqanıstanda əvvəllər elan edildiyi kimi 10 min deyil, 45 min ABŞ vətəndaşının olduğundan əmindir.

Tramp dünyanın ABŞ-dan narazı olduğunu söyləyib: “Hamı bizə baxır və deyir ki, ABŞ-a nə oldu ki, bu qədər tez yenildi. İnana bilmirlər”, - Tramp bildirib.

Tramp həmçinin xaricə qaçan Əfqanıstan Prezidenti Əşrəf Qanini fırıldaqçılıq adlandırıb və onu külli miqdarda pulü götürüb ölkədən çıxamqda ittiham edib.

Qeyd edək ki, ABŞ qoşunlarının Əfqanıstandan çıxarılması ABŞ və “Taliban” arasında 2020 -ci ilin fevralında imzalanan müqaviləyə əsasən bu ilin mayın 1-də başlayıb.

Akqabay

Halal Nemət

Xəbər lenti

DAHA ÇOX XƏBƏR