ABŞ

Cütlük balıq yerinə içində 100 min dollar olan SEYFİ "OVLADI"

7 İyun 2024 04:14

Nyu-Yorklu cütlük Kvinsdə maqnitlə balıq ovu zamanı ömür boyu xəyal belə edə bilməyəcəkləri sürprizlə qarşılaşıb.

Publika.az xəbər verir ki, bu barədə "ABC News" məlumat yayıb.

Ceyms Keyn və Barbi Aqostin bu yaxınlarda Kvinsdəki "Flushing Meadows Corona" parkını ziyarət ediblər. Ucunda güclü maqnit olan tilovu dərəyə atıblar. Onlar balıq yerinə seyf "tutublar".

Cütlük onu açanda sudan zədələnmiş təxminən 100.000 dollar dəyərində 100 dollarlıq əskinaslar tapıblar. Onlar qeyri-qanuni fəaliyyətlə məşğul olsalar da, tapdıqlarını təhvil vermək üçün Nyu York Polis Departamenti ilə əlaqə saxlayıblar.

NYPD-dən onlara deyiblər ki, seyfi tapmaqları cinayətlə əlaqələndirilməyəcək. Çünki pul pis vəziyyətdə olub və əşyanın ilkin kimə aid olduğuna dair heç bir dəlil və ya ipucu yoxdur.

Polis Keyn və Aqostinə pula sahib çıxmaları üçün icazə verib.

Hüseyn İbadlı