ABŞ kəşfiyyatının yeni rəhbəri: Qarabağa qanunsuz səfər edib, Ukraynanın “qara siyahı”sındadır

Namizədliyi yeni seçilmiş prezident Donald Tramp tərəfindən irəli sürülən Milli Kəşfiyyatın gələcək direktoru Tulsi Qabbard keçmişdə indiki administrasiyanın rəsmi xətti ilə ziddiyyət təşkil edən bir sıra qalmaqallı açıqlamalar verib.

Piublika.az xəbər verir ki, 2022-ci ildə Demokrat Partiyasını tərk edən Qabbard qeyd edib ki, partiya üzvləri tamamilə “cinayətkarları qoruyan” və “nüvə müharibəsinə sürükləyən” “müharibənin qızışdıran elit dəstə” tərəfindən idarə olunur.

Siyasətçi bəyan edib ki, ABŞ Ukrayna münaqişəsində bu ölkənin xalqı, demokratiya və azadlıqla deyil, Rusiyada “rejimin dəyişməsi” ilə maraqlanır.

O, ABŞ və NATO-nu “Şimal axını”na zərbə vurmaqda ittiham edib. Qabbardın fikrincə, dünyanı nüvə müharibəsi astanasına gətirən, ən böyük nüvə potensialına malik ölkə olan Rusiya ilə münasibətləri kəskinləşdirən Baydenin siyasəti olub.

2022-ci ildə Qabbard "yalan məlumat" yaydığına görə Ukraynanın "qara siyahı”sına daxil edilib. Tulsi ABŞ hakimiyyətinin Amerika bioloji laboratoriyalarının mövcudluğunu inkar etməsini "şok" adlandırıb.

Onu da qeyd etmək lazımdır ki, Qabbard ABŞ-ın erməni strukturları ilə çox yaxın əlaqələr saxlayır. 2017-ci ildə o, Amerika Erməni Milli Komitəsinin təşkil etdiyi Forum çərçivəsində Qarabağa qanunsuz səfər edib.

Tural