Tramp bu halda Rusiyanı SANKSİYALARLA VURACAQ

ABŞ Prezidenti Donald Tramp Moskvanın Ukrayna ilə bağlı danışıqlardan imtina edəcəyi təqdirdə Rusiyaya qarşı yeni sanksiyaların tətbiqi ssenarisini ehtimal adlandırıb.

Publika.az xəbər verir ki, o, bu barədə Ağ Evdə jurnalistlərlə söhbəti zamanı bildirib.

"Ehtimal olunur", - deyə o, əlaqəli suala cavab verib.

Qeyd olunub ki, Tramp administrasiyası Ukrayna münaqişəsi həll olunana qədər Rusiya əleyhinə sanksiyaları qüvvədə saxlaya bilər. Bu barədə danışan Tramp bir gün əvvəl Rusiya Federasiyasına qarşı çəkindirici tədbir kimi tariflərin tətbiqinin effektivliyini açıqlamışdı.

Yanvarın 10-da ABŞ Rusiyanın neft-qaz sektoruna qarşı genişmiqyaslı sanksiyalar tətbiq edib. Yeni paketə ilk dəfə olaraq ən böyük şaquli inteqrasiya olunmuş neft şirkətlərinə qarşı bloklama məhdudiyyətləri daxildir. Xüsusilə “Qazprom Neft”, “Surqutnefteqaz” və onların törəmə şirkətləri məhdudiyyətlərə məruz qalıb. Sanksiya siyahısına Rusiya Federasiyasından karbohidrogenlərin daşınması ilə məşğul olan, həmçinin "Sovcomflot" və "Qazprom Neft" ilə əlaqəli olan 100-ə yaxın gəmi daxil edilib.