Çaya düşən təyyarənin "qara qutu"ları TAPILDI

Vaşinqtonda hərbi helikopterlə havada toqquşaraq çaya düşən sərnişin təyyarəsinin "qara qutu"ları tapılaraq ekspertizaya göndərilib.

Publika.az xəbər verir ki, bu barədə mənbəyə istinadla "ABC News" məlumat yayıb.

""Qara qutular "American Airlines" təyyarəsinin göyərtəsində tapılaraq Milli Nəqliyyat Təhlükəsizliyi Şurasının laboratoriyasına göndərilib", - telekanalın mənbəsi bildirib.

Qeyd edilib ki, dalğıc qrupları hər iki təyyarənin düşdüyü Potomak çayında işlərini dayandırıblar.

Kanalın mənbələrinə görə, indiyədək 40-a yaxın cəsəd, o cümlədən ordu helikopterindən olan azı bir əsgər tapılıb.

Xatırladaq ki, Kanzasdan uçan "Bombardier CRJ700" sərnişin təyyarəsi yanvarın 30-da Reyqan Milli Hava Limanına yaxınlaşarkən təlim uçuşu zamanı "Sikorsky H-60" ​​hərbi helikopteri ilə havada toqquşub.

Hər iki nəqliyyat vasitəsi çaya düşüb. Təyyarə qəzasında heç kim sağ qalmayıb. Təyyarədə olan sərnişinlər arasında Rusiya milli komandasının fiqurlu konkisürmə üzrə cütlük üzrə dünya çempionları Yevgeniya Şişkova və Vadim Naumov, həmçinin sovet fiqurlu konkisürən İnna Volyanskaya da olub.

Hüseyn İbadlı