USAID-də "YARPAQ TÖKÜMÜ": ABŞ-da 2000 əməkdaşını ixtisar edir

ABŞ Beynəlxalq İnkişaf Agentliyinin (USAID) iki min əməkdaşı işdən çıxarılmaları ilə bağlı elektron məktublar alıb.

Publika.az xəbər verir ki, bu barədə "The New York Times" məlumat yayıb.

“Onlar 2000 (USAİD) əməkdaşını ixtisar edir və 1000-ə qədər xarici hərbçini ödənişli məzuniyyətə buraxırlar”, - nəşr yazır.

“Kritik əhəmiyyətli proqramlar” üzərində işləyənlər üçün istisnalar edilib. Nəşr vurğulayıb ki, işdən çıxarılma ABŞ-da yerləşən işçilərə təsir edib.

Fevralın əvvəlində ABŞ prezident administrasiyası ABŞ Beynəlxalq İnkişaf Agentliyinin “gülməli xərclər” siyahısını dərc edib. Sənəddə göstərilir ki, USAID “Serbiyanın iş yerlərində və biznes icmalarında bərabərliyin və inklüzivliyin təşviqi” üçün 1,5 milyon dollar, Kolumbiyada “transgender operası”na 47 min dollar və “LGBT fəallığına” 2 milyon dollar ayırıb.

Fevralın 12-də ABŞ Hökumətinin Səmərəliyi Departamentinin (DOGE) rəhbəri, milyarder İlon Mask bildirib ki, USAID-in fəaliyyəti ilk növbədə digər ölkələrdəki seçkilərə təsir etmək məqsədi daşıyır. İş adamı vurğulayıb ki, istifadə olunan üsullar “şübhə doğurur”.

Hüseyn İbadlı