Zlatan İbrahimoviç Messi ilə bağlı görün nələr deyib

İsveç milli komandasının keçmiş hücumçusu Zlatan İbrahimoviç Lionel Messinin tamamilə fərqli bir səviyyədə olduğunu bildirib.

Publika.az xəbər verir ki, bu barədə “FOX Sports” məlumat yayıb.

"Pele, Maradona, Kroyf və ya kimi istəyirsinizsə adını çəkin, onların hamısı parlaq futbolçular olublar, lakin Messinin statistikası, uzunömürlülüyü və qazandığı kuboklar onu ayrıca bir kateqoriyaya qoyur", - deyə İbrahimoviç bildirib.

Argentina millisi dünya çempionatının qrup mərhələsinin ikinci turunda Avstriya komandasını 2:0 hesabı ilə məğlub edib.

Messi 9-cu dəqiqədə penaltini qaçırsa da, 39-cu dəqiqədə hesabı açıb. O, 90+5-ci dəqiqədə dubl edərək matçın yekun nəticəsini müəyyənləşdirib. Bu qol onun dünya çempionatlarında vurduğu 18-ci qol olub. Bununla da argentinalı 16 qolu olan Miroslav Klozeni geridə qoyaraq dünya çempionatları tarixinin ən yaxşı bombardiri siyahısında birinci yerə yüksəlib. Kriştian Ronaldo 15 qolla üçüncü pillədə qalır.

Dünya çempionatı iyunun 11-dən iyulun 19-dək ABŞ, Meksika və Kanadada keçirilir. Hazırkı dünya çempionu 2022-ci ilin finalında Fransa millisinə qalib gələn Argentina yığmasıdır.

Hüseyn İbadlı