Tramp daimi yuxusuzluğunun səbəbini açıqladı

Ağ Evdə Səudiyyə Ərəbistanının vəliəhd şahzadəsi Məhəmməd bin Salmanla görüşü zamanı ABŞ Prezidenti Donald Tramp sıx iş qrafikinə görə yuxusuzluqdan şikayətlənib.

Publika.az xəbər verir ki, bu barədə yerli KİV məlumat yayıb.

"O (Səudiyyə Ərəbistanının vəliəhd şahzadəsi Məhəmməd bin Salman - red.) çox yatmır, mən də çox yatmıram. Düşünürəm ki, biz eyni səhifədəyik; ölkələrimiz haqqında düşünürük", - Ağ Ev rəhbəri deyib.

Tramp öz vəziyyətini sələfi Co Baydenin hər yerdə, hətta çimərlikdə belə yuxuya gedərək bütün rekordları qıran “yuxulu” rejimi ilə müqayisə edib.

“O, mətbuatın gözü qarşısında çimərlikdə yuxuya gedə bilən yeganə oğlandır”, – deyə Tramp Bayden haqqında bildirib.

Oktyabrın 29-da ABŞ-ın vitse-prezidenti Cey Di Vens açıqlayıb ki, uzunmüddətli uçuşlar zamanı ABŞ prezidenti yatmağı sevmir. Onun sözlərinə görə, Tramp uçuşlar zamanı "Air Force One" təyyarəsinin göyərtəsində dolaşır və tərəfdarlarını oyaq saxlamaq üçün oyadır. Vens əlavə edib ki, təxminən bir gün davam edən bütün səfər ərzində Tramp cəmi bir neçə saat yuxu ala bilir.

Hüseyn İbadlı