Tpamp ürəyi istədiyi qədər irəli gedəcək! - ABŞ dünyanı təhdid edir

Birləşmiş Ştatlar Qrenlandiyanın raketdən müdafiə infrastrukturu üçün vacib olduğuna inanır.

Publika.az "Fox News"a istinadən xəbər verir ki, bunu ABŞ-ın vitse-prezidenti J.D. Vens bildirib.

"Qrenlandiya təkcə milli təhlükəsizliyimiz üçün deyil, həm də bütün dünyanın milli təhlükəsizliyi üçün vacibdir. Bütün raketdən müdafiə infrastrukturu qismən Qrenlandiyadan asılıdır", - deyə Vens vurğulayıb.

Vitse-prezident hesab edir ki, Danimarka adanın təhlükəsizliyinə kifayət qədər zəmanət verə bilməyib.

"Özünüzdən soruşun! Avropa, Danimarka Qrenlandiyanın təhlükəsizliyini təmin etmək üçün lazımi iş görübmü ki, qlobal təhlükəsizlik və raketdən müdafiənin sütunu kimi xidmət etməyə davam etsin? Cavab qəti şəkildə xeyrdir! Onlar onun təhlükəsizliyinə kifayət qədər sərmayə qoymayıblar, yaxşı iş görməyiblər. 25 il əvvəl ağıllı bir şey etmisinizsə, bu, indi axmaq bir şey edə bilməyəcəyiniz anlamına gəlmir və Amerika Birləşmiş Ştatlarının prezidenti bunu çox açıq şəkildə ifadə edir: Siz Qrenlandiya ilə mübarizə apara bilməzsiniz", - Vens bildirib.

"Amerika administrasiyasının ada ilə bağlı məqsədlərinə çatmaq üçün nə qədər irəli gedə bilər" sualına Vens belə cavab verib: “Bu barədə son qərarı prezident verəcək. Biz Amerikanın maraqlarını qorumaq üçün hər şeyi edəcəyik. Düşünürəm ki, prezident lazım olduğu qədər irəli gedəcək”.

Adəm