ABŞ

Pentaqon yaxınlığında “Pizza indeksi” YENƏ ARTDI - ABŞ-da nə baş verir?

9 Yanvar 2026 01:41

Pentaqon yaxınlığındakı pizza restoranlarında pizza sifarişlərinin sayında növbəti dəfə artım müşahidə olunub.

Publika.az xəbər verir ki, bu barədə "Pentagon Pizza Report" "X" sosial media hesabında məlumat yayıb.

"Pentaqon yaxınlığındakı bir neçə pizzaxana bu gün nahar üçün çox böyük müştəri axını ilə qarşılaşır", - deyə açıqlamada bildirilir.

Müşahidə yerli vaxtla saat 12:52-də (Bakı vaxtı ilə 21:52) aparılıb.

Qeyd edək ki, ABŞ Prezidenti Donald Tramp etirazçıların öldürüləcəyi halında ABŞ-ın İrana sərt zərbə endirəcəyini bildirib.

Sifarişlər sonuncu dəfə 3 yanvar gecəsi artıb. Bundan sonra ABŞ-ın Venesuelada əməliyyat keçirdiyi məlum olub.

Yanvarın 3-də ABŞ Venesuelaya hücum etdi və paytaxt Karakasda və Fort Tiuna hərbi bazasında partlayışlar baş verib. Hücumlardan sonra ABŞ Prezidenti Donald Tramp əməliyyatı uğurlu adlandırıb və ABŞ qüvvələrinin Venesuela Prezidenti Nikolas Maduro və həyat yoldaşını əsir götürdüyünü elan edib.

Hüseyn İbadlı