ABŞ

Tramp piylənməyə qarşı dərman qəbul edib?

9 Yanvar 2026 12:28

ABŞ prezidenti Donald Tramp "piylənmə dərmanı" qəbul etməklə bağlı sualı cavablandırıb.

Publika.az xəbər verir ki, Tramp bu barədə "The New York Times" qəzetinə verdiyi müsahibədə deyib.

Siyasətçi heç vaxt “Ozempic” və “Vegovi” kimi GLP-1 hormonunun səviyyəsini artıran dərmanlardan istifadə etmədiyini bildirib.

"Düşünürəm ki, etməliyəm", - deyə Amerika prezidenti əlavə edib.

Keçən ilin noyabr ayında Tramp bir neçə funt arıqlamaq istədiyini etiraf etmişdi. Lakin o, bunu 27 noyabr Şükranlıq günündə etməyəcəyini, çünki hinduşka yeyəcəyini qeyd etmişdi.

2025-ci ilin aprel ayında aparılan tibbi müayinəyə görə, Trampın çəkisi 101 kq, boyu isə 190 sm təşkil edir. Bu bədən kütlə indeksi (BKİ) onu artıq çəkili kateqoriyaya aid edir. Bununla belə, siyasətçi heç vaxt burger, kartof qızartması və qazlı içkilərə olan sevgisini gizlətməyib.

Tural