Kriptovalyuta böhranı Tramp ailəsinin bizneslərinə zərbə vurdu

Kriptovalyuta böhranı ABŞ Prezidenti Donald Trampın ailə biznesinə ciddi zərbə vurub.

Publika.az xəbər verir ki, bu barədə "Bild" nəşrin məlumat yayıb.

Bildirilib ki, ABŞ liderinin oğulları - Erik Tramp və kiçik Donald Tramp ilə bağlı layihələr rəqəmsal aktivlərin kəskin ucuzlaşması fonunda böyük itkilər verir.

"Bitcoin"in məzənnəsi 70 min dollardan aşağı düşərək, fevralın 6-da qısa müddətlik 60 min dollara yaxınlaşıb. Bu, ötən ilin oktyabrındakı tarixi rekordla müqayisədə təxminən 45 faizlik azalma deməkdir. Analitiklərin hesablamalarına görə, yanvarın 29-dan bəri kripto bazarından təxminən 470 milyard dollar dəyərində aktiv "yoxa çıxıb".

Bu vəziyyətdən xüsusilə Donald Trampın böyük oğlu tərəfindən idarə olunan "World Liberty Financial" şirkəti zərər çəkib. Qeyd olunub ki, Donald Trampın özünün də bu şirkətdə payı var.

"World Liberty Financial" gəlirinin 75 faizini "$WLFI" tokenlərinin satışından əldə edir. Ötən ilin sonunda bu satışlar təxminən 1 milyard dollar təmin etmişdi. Lakin ilin əvvəlindən bəri tokenin dəyəri təxminən 31 faiz azalıb, şirkətin əlində qalan və dəyəri 3 milyard dollardan çox olan digər tokenlərin qiyməti isə sürətlə aşağı düşməkdə davam edir.

Hüseyn İbadlı