ABŞ-da qüvvələr birləşdi - Hipersəs raketlərinin effektivliyi artırılır

ABŞ-ın iki aparıcı aerokosmik şirkəti - "GE Aerospace" və "Lockheed Martin", fırlanan detonasiyalı birbaşa axınlı hava-reaktiv mühərriki (RDDJ) yaratmaq üçün səylərini birləşdirir.

Publika.az xəbər verir ki, birbaşa axınlı hava-reaktiv mühərriklərinin bir sıra üstünlüklərinə (məsələn, hərəkət edən hissələrin olmaması) baxmayaraq, onun işə düşməsi üçün 3 Max sürətinə qədər sürətlənmə tələb olunur ki, bu da güclü raket sürətləndiricisi ehtiyacı yaradır.

"GE Aerospace" və "Lockheed Martin" bu problemi detonasiya olunan yanacağın hipersəs dalğasından istifadə edən fırlanan detonasiya mühərrikinin köməyi ilə həll etməyi təklif edirlər. Nəticədə yanacaq qarışığının yanması zamanı təzyiqi saxlayan özünü təmin edən dövrə formalaşır.

Belə mühərrikin səmərəliliyi adilərdən 25% daha yüksəkdir ki, bu da onu daha yüngül və yığcam etməyə imkan verir. RDDJ səsdən aşağı, supersəs və yanma kamerasının mövcudluğu halında həmçinin hipersəs sürətlərində işləyə bilər. "Lockheed Martin" artıq ikirejimli birbaşa axınlı RDDJ üçün yüksək sürətli taktiki hava qəbuledicisi hazırlayıb. Mühərrik müxtəlif hündürlüklərdə işləyə bilər, lakin bunun reallaşdırılması üçün mürəkkəb zərbə dalğalarını idarə edə biləcək mürəkkəb hidrodinamik hesablama modelləri tələb olunur.

Hüseyn İbadlı