Art
"Əli və Nino" Bostonda təqdim olundu
Azərbaycanın ABŞ-dakı səfirliyinin təşkilatçılığı ilə Boston şəhərində, ABŞ-ın aparıcı təhsil ocaqlarından biri olan Tafts Universitetinin kino zalında "Əli və Nino" filminin təqdimatı keçirilib.
Səfirlikdən Publika.az-a verilən məlumata görə, tədbirdə universitetin müəllim və tələbələri, Boston ətrafında yaşayan azərbaycanlı icmasının nümayəndələri, şəhər sakinləri iştirak edib.
Təqdimatda çıxış edən Tafts Universiteti Fletçer Hüquq və Diplomatiya Məktəbinin professoru Rokford Veitz Azərbaycanın strateji əhəmiyyətinə toxunub, “Əli və Nino” əsərinin tarixi əhəmiyyəti və bugünkü aktuallığı barədə danışıb, əsərin onda böyük təəssürat yaratdığını deyib.
Ölkəmizin ABŞ-dakı səfiri Elin Süleymanov 2018-ci ildə Azərbaycan Xalq Cümhuriyyətinin 100 illiyinin qeyd edilməsi üçün Prezident İlham Əliyevin müvafiq sərəncam imzaladığını diqqətə çatdırıb, il ərzində müxtəlif tədbirlərin keçiriləcəyini deyib. Diplomat Xalq Cümhuriyyətinin müsəlman Şərqində ilk demokratik respublika olmasını, bu dövlətin dini, irqi, etnik və cinsi mənsubiyyətindən asılı olmayaraq bütün vətəndaşlarına eyni hüquqlar verdiyini xatırladıb.
Səfir “Əli və Nino” filmi haqqında da danışaraq bu kino layihəsinin Heydər Əliyev Fondunun vitse-prezidenti Leyla Əliyevanın təşəbbüsü ilə ərsəyə gəldiyini vurğulayıb, ekran əsərinin yaradıcı heyətində müxtəlif ölkələrdən tanınmış sənətçilərin yer aldığını bildirib.
Qeyd edək ki, səfir həmçinin Fletçer Hüquq və Diplomatiya Məktəbinin müəllim və tələbə heyəti qarşısında çıxış edib və Azərbaycanın həyata keçirdiyi xarici siyasət, irimiqyaslı regional layihələr, habelə Ermənistanın Azərbaycana qarşı hərbi təcavüzü barədə məlumat verib.
Ulucay Akif
-
Qoroskop00:35
Günün qoroskopu: bir sıra mətləblər əyan olacaq
-
Nida Xəbər 1 May 23:50
Paşinyan: Mümkün qədər tez...
-
Hadisə1 May 23:26
Qızı evdən qaçan ata efirdə göz yaşı tökdü - VİDEO
-
İqtisadi gündəm1 May 22:50
Dolların qiyməti ilə bağlı QƏRAR
-
Region1 May 22:42
Türkiyə ordusu şəhid verdi
-
İKT1 May 20:50
Telekanallarla bağlı statistika AÇIQLANDI - Ən çox bu verilişlər...
-
Region1 May 20:40
"Xarici agentlər haqqında" qanun layihəsi ikinci oxunuşda qəbul edildi
-
Magazin11 May 20:30
"Komedixana"nın aktrisası rəqsi ilə diqqət çəkdi - VİDEO