Satılmaq üçün gətirilmişdi: geri qaytarıldı
Bizi izləyin

Art

Satılmaq üçün gətirilmişdi: geri qaytarıldı

Belçikada hərracda satılmaq üzrə olan Meksika mədəniyyətinə aid tarixi əsər ölkəyə gətirilib.

Publika.az xəbər verir ki, tarixi əsər meksikalı diplomatların uzun sürən yazışmalarından sonra tarixi vətəninə geri qaytarılıb.

Hərracda satılması planlaşdırılan heykəlin İspaniyadan əvvəlki müstəmləkə dövrünün Meksika mədəniyyətinə aid olduğu bildirilir.

Heykəlin keçən mart ayında Belçikanın Bruge şəhərində keçirilən Casa Carlo Bonte auksionunda satılması nəzərdə tutulurmuş. Buna baxmayaraq, Meksikanın Belçikadakı səfirliyinin əməkaşları hərrac evi və Belçika məhkəmə orqanları ilə əlaqə saxlayıblar.

Diplomatlar qaçaqmalçılıq yolu ilə xaricə gətirilən artefaktların satışına qarşı olduqlarını bildiriblər.
30 ildir heykəli saxlayan 98 yaşlı kolleksiyaçı Maria Helena Defever isə yalnız bu yaxınlarda artefaktın müstəmləkəçilik dövründə Meksikadan qaçaqmalçılıq yolu ilə gətirildiyini öyrəndiyini söyləyib.

Qeyd edək ki, Meksika Mədəniyyət Nazirliyi son illərdə “Mənim mirasım satılmır” şüarı ilə aksiyalar keçirir.

Tural Turan

  • Satılmaq üçün gətirilmişdi: geri qaytarıldı

  • Satılmaq üçün gətirilmişdi: geri qaytarıldı

Oxumağa davam et
Reklam
Reklam

Gündəm