Azərbaycanı Qazaxıstanda onlar təmsil etdi - FOTO

Onlar Qazaxıstanda “Türk Dünyasının 2040 vizyonu” simpoziumunda çıxış ediblər.

Publika.az xəbər verir ki, Türk dünyasının 2040-cı il hədəflərini ifadə edəcək önəmli addımları müəyyənləşdirmək üçün Türk Dövlətləri Təşkilatına üzv ölkələrin alimləri, araşdırmaçı yazarları, ictmai xadimləri, QHT və KİV təmsilçiləri Astanada Xoca Əhməd Yəsəvi adına Uluslararası Türk-Qazax Universitetinin Türküstan Qərargahında bir araya gəlib.

Simpoziumda AMEA Nəsimi adına Dilçilik İnstitutunun Türk dilləri şöbəsinin müdiri filologiya elmləri doktoru, professor İsmayıl Kazımov “Çağdaş türk dövlətləri və xalqları arasındakı münasibətlərin inkişafında dil faktoru” mövzusunda, Azərbaycan Respublikası Milli Məclisi Mədəniyyət Komitəsinin eksperti, Beynəlxalq “Alaş” Ədəbiyyat mükafatı laureatı Əkbər Qoşalı Türk Dünyasının 2040 hədəfləri ilə bağlı ədəbiyyat və incəsənət üzrə çıxış ediblər.

Onu da vurğulayaq ki, Astana seminarı Türk Dövlətləri Təşkilatı, Türkiyə Mədəniyyət-Turizm Nazirliyi, Türkiyə Cümhuriyyətinin Atatürk Mədəniyyət, Dil və Tarix Yüksək Qurumu, Türk Tarix Qurumu, Əhməd Yəsəvi Universiteti və TİKA-nın dəstəyi ilə keçirilib.

Ayşən Rəhim