Avropa

Casusluqda ittiham edilən vətəndaşlar ölkədən qovuldu

22 Dekabr 2022 21:32

Burkina-Faso hakimiyyəti casusluq fəaliyyətinə görə saxlanılan iki Fransa vətəndaşını ölkədən çıxarıb.

Publika.az xəbər verir ki, bu barədə "Burkina Xəbər Agentliyi" məlumat yayıb. Bildirilib ki, həmin şəxslər dekabrın 18-nə keçən gecə Afrika ölkəsinin ərazisini tərk ediblər. Agentliyə daxil olan məlumata görə, onlar Burkina-Fasonun müdafiə və təhlükəsizlik qüvvələrinin fəaliyyətinə maraq göstəriblər ki, bu da onların izinə düşməyə imkan verib.

Deportasiya edilənlərin kimliyi, eləcə də iş yeri və hərəkətlərinin xarakteri açıqlanmır. Burkina-Fasoda hökumətin dekabrın 3-də verdiyi sərəncamla Fransanın "Radio France İnternationale" (RFI) radiostansiyası səlahiyyətlilərin yerli əhalini qorxutduğu və vətəndaşların ölkəni müdafiə etmək üçün səfərbər olmasının qarşısını almaq səylərində terrorçu qruplara kömək etdiyi barədə məlumat yaydığına görə fəaliyyətini dayandırıb.

Akqabay