Avropa

Nazirdən xalqa müraciət: 210 illik durum dəyişdi, müharibəyə hazırlaşın

8 Yanvar 2024 10:35

İsveç Mülki Müdafiə Naziri Bohlin Rusiyanı ciddi qəbul etməyin lazım olduğunu bildirib. Əlavə edib ki, İsveçdə də müharibə ola bilər, xalqımız müharibəyə hazır olmalıdır.

Publika.az xəbər verir ki, nazir İsveçin 210 ildir müharibə etmədiyini diqqət çatdırıb:

“Avropada onsuz da pis olan təhlükəsizlik vəziyyəti Rusiyanın Ukraynaya hücumu nəticəsində daha da pisləşib. Rusiyanın sürətlə yenidən silahlanmasına çox ciddi yanaşmaq lazımdır. Təxminən 210 ildir ki, sülh İsveç xalqı üçün xoş yoldaş olub. Lakin bu gün belə deyil. Durum dəyişdi və təhlükəsizlik vəziyyəti pisləşdi”.

İsveç hökumətinin ölkənin müharibəyə gedə biləcəyi ilə bağlı zehni şüur yaratmaqla müdafiə qabiliyyətini artırmağa çalışdığını bildirən Bohlin, Ukraynanın Rusiyaya qarşı müqavimətini də nümunə götürdüklərini bildirib.

Aysel Şahmar