Gəzməyə gedən 4 uşaq yoxa çıxdı - FOTO

Rusiyada uşaqların kütləvi şəkildə yoxa çıxması ilə bağlı müəmmalı hadisə baş verib.

Publika.az xəbər verir ki, dekabrın 21-də Samara vilayətində polislər gəzintidən sonra evə qayıtmayan dörd uşağın axtarışına çıxıblar. Daxili İşlər Nazirliyinin regional bölməsinin məlumatına görə, onlar Bezençuk kəndinin sakinləri olub. 10 yaşlı oğlan və 5, 10, 11 yaşlı üç qız itkin kimi axtarılır. Uşaqlar 20 dekabr axşamı gəzinti üçün çölə çıxıblar və təyin olunmuş vaxta qədər evə qayıtmayıblar. Onların harada olduqları hələ də məlum deyil.

Rusiya Federasiyasının Regional İstintaq Komitəsinin məlumatına görə isə artıq Samara vilayətində dörd uşağın itkin düşməsi ilə bağlı qətl hadisəsi üzrə cinayət işi açılıb.

Qurumun yaydığı bəyanatda deyilir: "Rusiya Federasiyasının Samara vilayəti üzrə İstintaq Komitəsinin Bezençuk Rayonlararası İstintaq İdarəsi Rusiya Cinayət Məcəlləsinin 105-ci maddəsinin 2-ci hissəsinin "a" və "c" bəndləri (yetkinlik yaşına çatmayan şəxsə qarşı törədilmiş iki və ya daha çox şəxsin qətli) ilə cinayət işi açıb".

Tural