Avropa

Alman siyasətçi Rusiya vətəndaşlığı üçün müraciət etdi: Pasportu bloklandı

24 Sentyabr 2025 14:14

Almaniyanın Konstitusiya və Suverenlik Şurasının sədri Ralf Nimayer Rusiya vətəndaşlığı üçün Rusiya hakimiyyətinə müraciət edib.

Publika.az xəbər verir ki, o, bu barədə "RİA Novosti"yə müsahibəsində bildirib.

"Mən Rusiya ilə qırılmaz bir əlaqə hiss edirəm. Bura mənim evimdir", - deyə o qeyd edib. O, son üç il ərzində Rusiyada daha çox vaxt keçirdiyini vurğulayıb.

Siyasətçi əlavə edib ki, BƏƏ-dən Almaniyaya uçmaq istəyərkən onun alman pasportu bloklanıb. Nimayer bildirib ki, bu hərəkət Almaniya hakimiyyətinin onun sənədini ləğv etmək niyyətindən xəbər verir.

Qeyd edək ki, R.Nimayer Almaniya kansleri Fridrix Mertsin Rusiyaya qarşı son dərəcə mənfi münasibətinin uşaqlıqda sovet dövrü və müharibə ilə bağlı eşitdiyi ailə hekayələri ilə əlaqədar ola biləcəyini irəli sürüb. Onun fikrincə, Merts rasional siyasətçi kimi deyil, emosiyaların təsiri altında hərəkət edir.

Adəm