Avropa

Avropanın hava limanlarına kiberhücumla bağlı saxlanılan var

25 Sentyabr 2025 00:55

Londondakı Hitrou və digər iri hava limanlarında uçuşların pozulmasına səbəb olmuş kiberhücumla bağlı təxminən 40 yaşında bir şəxs saxlanılıb.

Publika.az xəbər verir ki, bu barədə Böyük Britaniyanın Daxili Cinayət Agentliyi məlumat yayıb.

Şübhəli şəxs Qərbi Sasseksdə saxlanılıb. O, kompüterdən qanunsuz istifadə aktının pozulmasında ittiham olunub. Daha sonra həmin şəxs müəyyən şərtlərlə girov müqabilində azadlığa buraxılıb.

Kiberhücumun dünyanın müxtəlif hava limanlarında bir sıra aviaşirkətləri qeydiyyat və minik sistemləri ilə təmin edən “Collins Aerospace” şirkətinə qarşı həyata keçirildiyi bildirilir.

Xatırladaq ki, hadisə nəticəsində Londonun Hitrou, Brüsselin və Berlinin hava limanlarında minlərlə sərnişin gecikmələrlə üzləşmişdi.