Qisas alın: Almaniyada Ukrayna ordusu üçün "povestka" paylanır

Berlində Almaniya paytaxtının sakinlərini Ukrayna silahlı qüvvələrinin sıralarına qoşulmağa çağıran vərəqələr peyda olub.

Publika.az xəbər verir ki, bu barədə “Berliner Zeitung” qəzeti məlumat yayıb.

Bildirilir ki, naməlum şəxslər İkinci Dünya Müharibəsindən qalma alman hərbi əsirlərinin arxivdəki ağ-qara fotoşəkilləri ilə birlikdə “Qisas alın” şüarı ilə təbliğat materialları yerləşdiriblər. Bu tarixi paralel alman cəmiyyətini xüsusi ilə narahat edir.

Flyerlərdə Ukrayna hökumətinin rəsmi internet saytına keçid verən QR kodu var, burada istifadəçilər Beynəlxalq Legiona qoşulmaq üçün ərizə formasını doldura bilərlər. Nəşrin məlumatına görə, bu cür reklamlar sentyabrın ortalarından etibarən görünməyə başlayıb.

Qeyd etmək vacibdir ki, Almaniyada bu cür hərəkətlərin təşkilatçıları cinayət məsuliyyətinə cəlb olunur. Almaniya Cinayət Məcəlləsinə görə, xarici ölkədə hərbi xidmətə cəlb edilmə cinayət sayılır, cərimə və ya beş ilədək müddətə azadlıqdan məhrum etmə ilə cəzalandırılır. İstisna yalnız Almaniya və Ukrayna arasında mövcud olmayan xüsusi hökumətlərarası sazişlə mümkündür.

Adəm