Fransa ordusuna MÜHARİBƏ MESAJI - “Döyüşə girməyə qadir olmalıdır”

Fransanın Baş Qərargah rəisi, general Pyer Şill ordunun yüksək hazırlıq vəziyyətinə salınmasının zəruriliyini vurğulayıb.

Publika.az xəbər verir ki, o, bu barədə “Valeurs Actuelles” jurnalına müsahibəsində danışıb.

General bəyan edib ki, silahlı qüvvələr istənilən vaxt, o cümlədən yaxın gələcəkdə döyüşə girməyə qadir olmalıdır.

Bu fikir generalın yanaşması üçün əsasdır. Şill vurğulayıb ki, bu məqsədə nail olmaq üçün bütün səviyyələrdə innovasiyaların həyata keçirilməsini, eləcə də təcrübədə uğurla sınaqdan keçirilmiş yeni taktiki konsepsiyaların “sənayeləşdirilməsi” üçün maliyyə ayrılmasını nəzərdə tutan hərtərəfli modernləşmə tələb olunur. O, əsas məqsəd kimi Ukraynadakı münaqişənin nümayiş etdirdiyi dəyişikliklərə operativ reaksiya verilməsini göstərib.

Baş Qərargah rəisi robot texnikasına xüsusi diqqət yetirərək, bunu qaçılmaz adlandırıb. Nəşrin məlumatına görə, Fransa Ordusu artıq fəal şəkildə pilotsuz uçuş aparatlarının operatorlarını öyrədir və qoşunlara 3D çapdan istifadə edərək pilotsuz təyyarələrin hazırlanmasını öyrədir.

Yeniliklər arasında altı-səkkiz PUA-nın “Qriffon” zirehli transportyorlarının damlarında yerləşdirilməsi də var. Eyni zamanda, Ordu bütün uzaqmənzilli atəş dəstəyi aktivlərini birləşdirəcək artilleriya briqadasını bərpa edir: çoxsaylı buraxılış raket sistemləri, hava hücumundan müdafiə sistemləri və taktiki pilotsuz uçuş aparatları.

Hüseyn İbadlı