Milyarder uğurun astanasında - Onun qələbəsindən KİMLƏR QORXUR?

Çexiyada parlamentin aşağı palatası olan Deputatlar Palatası seçkilərində səsvermə başa çatıb və səslərin sayılması prosesi başlayıb.

Publika.az xəbər verir ki, bu barədə ČTK xəbər agentliyi məlumat yayıb.

Bildirilib ki, iki gün davam edən seçkilər vətəndaşların yüksək fəallığı ilə seçilib. İlkin məlumatlar göstərir ki, seçici fəallığı 50%-i keçib, bəzi seçki məntəqələri saat 11:00-a (Bakı vaxtı ilə 13:00) rəqəmlərin 60%-dən yuxarı olduğunu bildiriblər.

Seçkilərin ilkin nəticələri oktyabrın 4-ü axşam saatlarında gözlənilir. Agentliyin məlumatına görə, Dövlət Seçki Komissiyasının nəticələrinin rəsmi təsdiqi oktyabrın 6-na təyin edilib.

Rəy sorğuları keçmiş baş nazir və milyarder Andrey Babişin rəhbərlik etdiyi "Narazı Vətəndaşların Fəaliyyəti" (ANO) müxalifət hərəkatının öncül namizəd olduğunu göstərib.

"The Guardian" xəbər verir ki, Aİ ANO-nun mümkün qələbəsindən qorxur, çünki o, Ukraynaya yardımı kəsməyi və Avropayönlü siyasətindən əl çəkməyi planlaşdırır.

Xüsusilə, Babiş Kiyevə artilleriya sursatının verilməsi ilə bağlı “Çexiya təşəbbüsünə” son qoymaq istəyir.

Hüseyn İbadlı