Avropa

SOYUQ VƏ ZÜLMƏT - Zelenski Qərbdən yeni silahlar tələb etdi

27 Dekabr 2025 19:24

Ukrayna Prezidenti Volodimir Zeleniski Rusiyanın respublikaya hücumlarından sonra Ukraynanın Qərb tərəfdaşlarından Kiyevə yeni hava hücumundan müdafiə sistemləri tədarük etmələrini tələb edib.

Publika.az xəbər verir ki, bu barədə o, "Telegram" kanalında yazıb.

Ukrayna lideri bildirib ki, "hava hücumundan müdafiə sistemlərinin çatdırılması kifayət qədər və vaxtında olmalıdır".

Zelenski daha sonra bildirib ki, hücumun əsas hədəfi Kiyev, xüsusən də enerji obyektləri və mülki infrastruktur olub. O, əlavə edib ki, atəş hələ də davam edir.

Hazırda Kiyevin və ətraf bölgənin bəzi ərazilərində elektrik və istilik sistemi yoxdur. Yanğınsöndürmə işləri davam edir. Təmir briqadaları bəzi enerji obyektlərində işə başlayıb, digərlərində isə işçilər sığınacaq tapıb. Prezident bildirib ki, xilasedicilər və təmir işçiləri hava hücumu xəbərdarlığı ləğv edildikdən dərhal sonra işə başlayacaqlar.

Hüseyn İbadlı