3 qat dünya, 6 qat Avropa çempionu: “Avropa Oyunları tarixə düşmək üçün bir şansdır”

Karate do üzrə ümumilikdə 3 qat dünya, 6 qat Avropa çempionu Niyazi Əliyev İlk Avropa Oyunlarında medal qazanacağına ümid edilən idmançılardandır.

Karateçimiz Publika.az-a açıqlama verərkən elə I Avropa Oyunlarında qızıl medal qazanaraq tarixə düşmək istədiyini dedi:

“I Avropa Oyunları hər bir idmançının həyatını dəyişməsi və tarixə düşməsi üçün bir şansdır. Mən də daxil olmaqla, hər bir idmançı istəyər ki, tarixə düşsün. Biz bir çox yarışlarda olmuşuq, bir çox yarışların qalib gəlmişik. Bu da dövlət başçımızın və federasiyamızın bizə olan dəstəyidir. Təbii ki, mən də hər bir idmançı kimi burada himnimizi səsləndirib, bayrağımızı qaldırmaq istəyirəm”.

Dünya və Avropa çempionu I Avropa Oyunlarında qarşılaşacağı rəqibləri barədə də danışdı:

“Bəzi rəqiblərimlə bu yaxınlarda İstanbulda keçirilən Avropa çempionatında qarşılaşdım. Bilirsiz ki, oradan qızıl medalla qayıdanlardan biri də mən idim. Bundan əlavə, başqa yarışlarda da məğlub etdiyim, döyüşdüyüm idmançılar rəqiblərim siyahısında var”.

Aygün İlqarqızı