Bakı 2015
Ülkər İsayeva Avropa Oyunları ilə bağlı koordinator oldu – ÖZƏL
Xəzər Universitetinin təsisçisi və rektoru Hamlet İsaxanlının qızı Ülkər İsayeva “Bakı-2015” Avropa Oyunları ilə bağlı tələbələrə və gənclərə koordinatorluq edəcək.
Bu barədə Publika.az-a eksklüziv açıqlamasında Ülkər İsayevanın atası Hamlet İsaxanlı məlumat verib.
Onun sözlərinə görə, hazırda Ülkər İsayeva gənclər üçün bir çox treninqlər təşkil edir. H.İsaxanlı deyib ki, qızı Ülkər İsayeva gənclərlə yaxından işləyir, tələbələri hazırlaşıdırır: “Qızım psixoloji və xarici dillərlə bağlı tələbələrə treninqlər keçir, bu işə koordinatorluq edir. Biz tələbələri “Bakı-2015” Avropa Oyunlarına könüllü kimi göndərməmişdən öncə burada məşq etdiririk. Bizim yüzlərlə tələbəmiz bu işdə yaxından iştirak edir. Tələbələrimiz daha çox könüllülər olaraq tərcüməçi, bələdçi və köməkçi kimi çalışırlar. Hətta bəzi tələbələrimiz idmana yaxın sahələrdə çox fəal iştirak edir. Universitetimiz ingilis dilində tədris verdiyi üçün Avropa Oyunları ilə əlaqədar Hazırlıq Komitəsinə biz də daxil edilmişik. Bəzən həftədə 3-4 dəfə tələbələrimizlə bağlı Avropa Oyunlarına Hazırlıq Komitəsindən məktub alıram. Onlar bizdən xahiş edirlər ki, daha çox tələbə göndərək. Yəni, biz Xəzər Universiteti olaraq Avropa Oyunlarına hazırlıq işində çox fəal iştirak edirik”.
Rektor həmçinin qeyd edib ki, “Bakı-2015” Avropa Oyunları Azərbaycanda keçirilən ilk beynəlxalq tədbir deyil: “İndiyədək Azərbaycan bütün sahələrdə bir çox beynəlxalq və nüfuzlu tədbirlərə ev sahibliyini uğurla edib. “Bakı-2015” Avropa Oyunları isə indiyədək keçirilən tədbirlərdən ən böyüyü hesab olunur. Bu baxımdan da digər tərdbirlərdən fərqlənir. Düşünürəm ki, “Bakı-2015” Avropa Oyunlarının ölkəmizdə keçirilməsi Azərbaycanı dünya miqyasında tanıdan çox böyük hadisədir. Çünki Avropa dünyanın ən məşhur və qədim svilizasiyası olan yerlərindən biridir. Avropa Oyunları isə dünyada ilk dəfə olaraq Azərbaycanda keçiriləcək. Bu, bizim üçün həm böyük məsuliyyətdir, həm də uğurdur. Ona görə də gərək hər bir azərbaycanlı bu işdə öz töhfəsini əsirgəməsin. Çünki Azərbaycana minlərlə xarici turist gələcək, Azərbaycanı yaxından tanıyacaq, burada keçirilən Avropa Oyunlarını izləyəcək. Bütün bunlar üçün hazırlıq işlərinin vaxtında görülməsi çox mürəkkəb prosesdir. Ona görə də hər bir azərbaycanlı ümumi vətənpərvərlik mövqeyindən çıxış edərək çalışmalıdır ki, Avropa Oyunları müsbət mənada yaddaqalan hadisə olsun. Düşünürəm ki, Azərbaycan “Bakı-2015” Avropa Oyunlarının da öhdəsindən çox uğurla gələcək”.
Vasif Həsənli
-
Magazin100:50
Sabiq nazirin idmançı kürəkəninin bu görüntüləri gündəm oldu - VİDEO
-
Qoroskop00:20
Günün qoroskopu: ünvanınıza çox tənqid səslənəcək...
-
Nəqliyyat6 May 23:16
Bu yolda sürət həddi 20 km/saata endirildi
-
Magazin16 May 23:04
İllərlə küsülü olan Brilliant Dadaşova və Abbas Bağırovun rəqsi - VİDEO
-
Dünya6 May 21:33
HƏMAS-la İsrail atəşkəs barədə razılaşdı
-
Sosial6 May 21:23
Deyirlər ki, puluna görədir... - 17 yaşlı qızla nişanlanan 37 yaşlı kişinin anası DANIŞDI - VİDEO
-
İdman6 May 21:13
22 yaşlı idmançı faciəvi şəkildə öldü
-
Qoroskop6 May 21:05
Bürclərin ən zəhlətökən xüsusiyyətləri