Yer kürəsindəki cənnət məkanlar - FOTOLAR

Bu gün Yer Kürəsində eə yerlər var ki, bəşər övladının heç vaxt görmədiyi v daim xəyalı ilə yaşadığı cənnəti əks etdirir. Belə mənzərələri grdükcə yaşadığımız planetin əsl cənnət olduğunu düşünməmək olmur.

Publika.az planetimizdə olan nağıla bənzər mənzərələrin fotolarını toplayıb.

Noyşvanştayn qəsri, Almaniya

Bu romantik qəsr 1868-ci ildə Bavariya kralı II Lüdoviq tərəfindən inşa edilib. İndi isə qəsr Avropada ziyarət edilən yerlərdən biri hesab olunur. Deyilənlərə görə Pyotr Çaykovski "Qu quşu gölü" əsərini məhz bu qəsrdən ilhamlanaraq bəstələyib. Həmçinin Parisin "Disneyland" əyləncə mərkəzində Yatmış Gözəlin qəsri Noyşvanştayn qəsrinin prototipidir.

İşıldaquşların mağarası, yeni Zelandiya

Mağaranın əsas özəlliyi yalnız Yeni Zelandiyada yaşayan minlərlə göbələk ağcaqanadıdır. İşıldaquşlar mağaranın tavanına qonmaqla ulduzlu səma təəssüratını yaradır.

Kolmar şəhəri, Fransa

Kolmar Fransanın ən gözəl yerlərindən biri hesab olunur. Burada köhnə evlər olduğu kimi saxlanılır.

Qlisiniya tuneli, Yaponiya

"Çiçəkli səma" Yaponiyanın Kitaküsyü şəhərində yerləşir. Rəngbərəng-ağ, mavi, yasəməni, bənövşəyi, al-bənövşəyi və göyün müxtəlif çalarlarında olan çiçəklər düz başın üzərində yetişir.

Anhel şəlaləsi, Venesuela

Anhel dünyanın ən hündür şəlaləsidir. Onun tərcümədə mənası "şeytanın dağı" deməkdir. Anhelin su kütləsi yerə toxunmaq üçün havada 1 kilometrə yaxın məsafəni qət edir. Anhelə gedib çıxmaq da asan deyil. Belə ki, şəlalə sıx meşəlikdə yerləşir və ona doğru aparan heç bir yol yoxdur.

Petra şəhəri, İordaniya

Petra haqqında deyirlər: "Zamanın özü kimi qədim çəhrayı şəhər". Petra İordaniyanın ən gəzməli-görməli yerlərindən biridir. Petra 2 min il bundan qabaq fəaliyyət göstərmiş Nəbatilər dövlətinin paytaxtı olub.

Çjen Danksiada rəngli qayalar, Çin

Qansu əyalətində yerləşən dağ massivinə düşmək hər bir fotoqrafın arzusudur. Qayalar öz rəngini Təbaşir dövründən qalma qırmızı qum və yığıntıların sayəsində alıb.

Pamukkale, Türkiyə

"Pambıq qalası" adını daşıyan ərazi Türkiyədə yerləşir. Ərazi daha çox qarlı dərəni xatırladır.

Viaduk Qlenfinnan, Şotlandiya

Bu yol daha çox "Harri Potter" filmindəki səhnələri xatırladır.

Halonq buxta, Vyetnam

3 minə yaxın adanın yerləşdiyi Tonkin körfəzinin zümrüd kimi sularını təsəvvürünüzə gətirin. Vyetnam dilində Halonq "əjdahanın dənizə baş vurduğu yer" mənasını verir. Əfsanəyə görə, ərazi qədim zamanlarda dağlarda yaşayan Dahi Əjdaha tərəfindən yaradılıb.

Vadhu adasında çimərlik, Maldiv adaları

Dünyada yeganə çimərlik var ki, yalnız gecələr gözəl olur. Vadhu adasının çimərliyinə minlərlə rəngli planktonlar toplaşır. İş ondadır ki, planktonların orqanizmində gedən kimyəvi proses zamanı enerji bədənlərindən işıq formasında çıxır. Nəticədə, Maldiv adalarının suyu ulduzlu səmanı xatırladır.

Nura