Cinayət dünyası
Ailəsi ilə birlikdə öldürülən bankir, 60 QƏTL - Bir nömrəli killer yenidən HƏBS OLUNDU - - FOTO
Rusiyanın ən çox axtarılan cinayətkarı “Jako” ləqəbli Aslan Qaqiyev onun ekstradisiyası haqqında qərarın qəbul olunmasından sonra yenidən həbs edilib.
Publika.az Rusiya KİV-inə istinadən xəbər verir ki, iki il təhqiqatdan sonra Avstriya dünən Aslan Qaqiyevin ekstradisiyası barədə Rusiya Baş prokurorluğunun sorğusunu təmin etmişdi.
“Jako”nun ekstradisiyası haqqında danışıqlar 2015-ci ildən davam edirdi.
“Kommersant” nəşrinin yazdığına görə, məşhur killer Vyana Ali Məhkəməsinin ekstradisiya haqqında qərarından sonra yenidən həbs edilib. Məhkəmə binasından təxminən bir kilometr uzaqlaşan Qaqiyevin avtomobili Avstriyanın Daxili İşlər Nazirliyinin xüsusi təyinatlı dəstəsi tərəfindən saxlanılıb və paytaxtın başqa məhkəməsinə aparılıb. Burada onun yenidən həbsi barədə qərar çıxarılıb.
Bildirilir ki, Avstriya Ədliyyə Nazirliyi ekstradisiya haqqında qərarı təsdiq etmədiyi halda, Qaqiyev həbsxanada qalacaq.
Xatırladaq ki, Qaqiyevin dəstəsi ən amansız cinayətkar qruplaşmalarından biri kimi Rusiyada məşhurdur. O, 2015-ci ilin əvvəlində Vyanada saxlanılıb. Rusiyanın bir nömrəli killeri Rusiyada 60-dan çox sifarişli qətldə ittiham edilir. Onun qurbanları arasında vəzifəli şəxslər, hüquq-mühafizə orqanlarının əməkdaşları, məşhur sahibkarlar və bankirlər də var. Osetinlər tərəfindən yaradılan və “Osetinli killerlər” adı ilə tanınan cinayətkar qruplaşmanın qurbanları arasında müflisləşmiş “Sodbiznesbank” və “Kredittras” banklarının sahibi Aleksandr Slesarevin də adı var. O, həyat yoldaşı və övladı ilə birlikdə güllələnib. 2008-ci Vladiqafqaz meri Vitali Karayev də killerlər tərəfindən öldürülüb.
Cinayətlər 2005-2010-cu illərdə Moskva və Şimali Qafqaz regionları ərazisində törədilib.
Hazırda cinayətkar qruplaşmanın 17 üzvü müxtəlif müddətə, bəziləri isə ömürlük azadlıqdan məhrum edilib, 8 nəfər isə beynəlxalq və federal axtarışa verilib.
Ömər Dağlı
-
Gözəllik02:43
Onun tumu qızıl qədər dəyərli imiş... - Botoks effekti verir
-
Ekopublika.az02:19
Bakının bu ərazisi PLANA DÜŞDÜ - Tezliklə söküləcək
-
İdman01:15
Arda tarixi matçında belə qol vurdu - VİDEO
-
Qoroskop00:45
Günün qoroskopu: hadisələrin axarına müdaxilə etməyin, çünki...
-
Magazin126 Aprel 23:26
Xumar Qədimova daha bir məşhur şeiri mahnıya çevirdi - VİDEO
-
İnanc26 Aprel 23:02
Həcc ziyarəti ilə bağlı zəvvarlara XƏBƏRDARLIQ
-
Region26 Aprel 22:37
Başqa çıxış yolumuz yoxdur - Paşinyan
-
Hadisə26 Aprel 21:47
Dörd aylıq körpə binadan necə düşüb? - Hadisə yerindən GÖRÜNTÜLƏR