Kriminal

Həbsxanadan qaçdı, gizlənmədi, 9 ildən sonra tapıldı: Hakim dəhşətə gəlib

2 Oktyabr 2024 16:30

Böyük Britaniyada narkotik alverçisi həbsxanadan qaçdıqdan 9 il sonra yaxalanıb.

Publika.az xəbər verir ki, bu barədə "Daily Mail" yazır.

Robert Fitsjerald narkotik satışına görə 7 il 4 ay həbs cəzasına məhkum edilib. 2015-ci ilin noyabrında Fitsjeraldın hələ də barmaqlıqlar arxasında bir il yarım qalmasına baxmayaraq, o, həbsxanadan çıxa bilib və qaçıb.

Polis narkotik satıcısının Londonda gizləndiyini güman edirdi, lakin məlum olub ki, bütün bu müddət ərzində o, Oksfordda yaşayıb, öz adı ilə işləyir və mütəmadi olaraq vergi ödəyib. Maliyyə sənədləri polisi Fitsjeraldın izinə çıxardı.

Qeyd olunur ki, həmin şəxs əvvəlki cəzasından qalan cəzanı da, qaçmaq üçün alacağı cəzanı da çəkməli olacaq. Hakim Naydjel Deyli gizlənməyən Fitsjeraldın doqquz il ərzində tapılmamasına çaşdığını etiraf edib.

Adəm