Xalq artistinə qarşı dələduzluğu o təşkil edibmiş: "Oçkarik" tutuldu

Xalq artisti Dolinadan 180 milyondan çox pul oğurlayan şəxsin tərcümeyi-halının təfərrüatları məlum olub. 27 yaşlı fırıldaqçı əfsanəvi cinayətkar dəstənin fəal üzvüdür.

Publika.az bu barədə Rusiya mətbuatına istinadən xəbər verir.

Kazan polisi pop ulduzu Larisa Dolinadan milyonlarla dollarlıq mənzilin oğurlanması işi ilə məşğul olan fırıldaqçını saxlayıb. Cinayət sxemində saxlanılan şəxs koordinator rolunu oynayıb: o, göstərişlər verir və cinayətin digər iştirakçılarının işinin gedişatına nəzarət edirmiş.

Əldə olunan məlumata görə, fırıldaqçı 27 yaşlı Yoşkar-Ola sakini, "Oçkarik" ləqəbi ilə "Pervaki" mütəşəkkil cinayətkar qrupunun fəal üzvü kimi Tatarıstanın kriminal dairələrində məşhurlaşan Artur Kamenetski olub. O quldurluq, soyğunçuluq və qəsb əməllərinə görə bir neçə dəfə məhkum olunub.

Taqanski məhkəməsində mühakimə olunan Kamenetski hazırda istintaq təcridxanasındadır. Paytaxtın hüquq-mühafizə orqanlarının əməkdaşları həmin şəxsi mütəşəkkil dəstə tərəfindən xüsusilə külli miqdarda dələduzluqda ittiham edirlər.

Adəm Abbaslı