Dəb

Kraliçadan yeni dəb - FOTO

27 İyun 2021 11:03

İspaniya kraliçası Letisiyanın çıxışları cəmiyyətdə maraq doğurur, çünki Əlahəzrət həmişə mükəmməl görünür. Ancaq onun son çıxışı tamamilə fərqli şəkildə müzakirə olunur. Buradakı ən maraqlı detal kraliçanın saç rəngi olub.

Publika.az xarici mətbuata istinadən xəbər verir ki, kraliçanın saçlarına dən düşsə də, onları rəngləməyə və ya başqa şəkildə gizlətməyə çalışmır. Belə görünür ki, kül rəngi trendini tətbiq etməyə qərar verib.

Kraliçanın əksər pərəstişkarları hesab edir ki, bu, çox düzgün bir qərardır, təbiiliyə və özünü qəbuletmə istiqamətindəki ümumi tendensiyaya uyğundur.

“Boss” markasından libas seçən Letisiya geyimi bej stiletto ilə tamamlayıb. Stil ikonası aksesuar seçimində minimalizmə önəm verib.