Dəb

Yayın əsas rəngi ilə dəb oyunları - FOTO

14 İyun 2022 15:15

Laym yaşılı olduqca müstəqil rəngdir. Sarı və yaşılın birləşməsindən yaranan bu rəngi başqaları ilə uzlaşdırmaq elə də asan deyil. Odur ki, yaşıl paltar almaq vəziyyətdən ən rahat çıxış yolu olacaq.

Publika.az xəbər verir ki, yaşılın bu çaları yayın əsas rəngləri sırasında yer alır.

Yaşıl sarafan almısınızsa, aksessuarlar uyğun və ya ziddiyyətli ola bilər. Narıncı, sarı və ya ağ rəngli çanta və ayaqqabı ilə belə bir paltar əla görünəcək.

Klassik üslubun pərəstişkarlarına parlaq şalvar kostyumlar təklif olunur. Pencəyi ağ mayka və ya ağ paltar üzərindən də geyinə bilərsiniz.

Yaşıl bluz və köynəklər həm cins şalvarla, həm də klassik şalvarla gözəl görünəcək. Yubka və şalvarın boz çalarlarına xüsusi diqqət yetirməyi məsləhət görürük: bu rəng yaşıl rəngə daha uyğun sayılır.

Bundan əlavə, laymın daha parlaq çaları obrazın əsas vurğusu ola bilər. Ən sadə seçim: neytral rənglərdə bir köynək və cins şortiki parlaq pencəklə tamamlayın. Bu geyimdə siz istənilən yerə gedə bilərsiniz: ofisdən tutmuş dostlarla gəzintiyə və ya yay şənliyinə qədər.

Aksesuarların və ya ayaqqabıların köməyi ilə daha cəlbedici dəst yarada bilərsiniz. Həm klassik rənglərlə, həm də parlaq tonlarla ideal görünəcək. Məsələn, bənövşəyi və ya mavi ilə...