İspan kraliçası “Zara”dan 25 dollarlıq paltar geyindi - FOTO
Bizi izləyin

Dəb

İspan kraliçası “Zara”dan 25 dollarlıq paltar geyindi - FOTO

İspaniya kraliçası Letisiya obrazları həmişə zərifliyi ilə seçilir və özünün “gözəllik rekordunu” qırmağı sevir.

Publika.az xarici mətbuata istinadən xəbər verir ki, kraliça dünən Madriddə kinofestivalın açılışında iştirak edib. Tədbir üçün qara atlas paltar seçən monarx bu geyimdə olduqca heyrətamiz görünüb. Geyim onun qol əzələlərinin relyefini effektiv şəkildə vurğulayıb. İspan ayaqqabı markası “Margit”dən seçdiyi böyük kristallarla işlənmiş sandalları sayəsində kraliça sadə geyimi maraqlı obraza çevirə bilib. Ən maraqlısı odur ki, kraliçanın “Zara” brendindən geyindiyi bu paltarın qiyməti təxminən 25 dollardır. Bu, onun “Zara”dan ilk geyimi olmasa da, kraliçanın seçimi növbəti dəfə ictimaiyyətin təəccübünə səbəb olub.

Yeri gəlmişkən, kraliça mass-marketin bir paltarıyla məhdudlaşmayıb, imicini İspaniyanın “Mango” markasının muncuqlu muftası ilə tamamlayıb. Beləliklə, Kral VI Filippin həyat yoldaşı demokratik ispan markalarına müraciət etməklə, onlara sonsuz dəstəyini nümayiş etdirib. Bu addımına görə, İspaniya kral ailəsinin pərəstişkarları sosial mediada kraliçaya minnətdarlığını bildirib.

Oxumağa davam et
Reklam
Reklam

Gündəm