Gələn ilin əsas rəngi bu olacaq

"Pantone" Rəng İnstitutu qırmızımtıl bənövşəyini 2023-cü ilin rəngi elan edib.

Publika.az xarici mediaya istinadən xəbər verir ki, bənövşəyinin daha tünd tonları daha məşhur olsa da gələn il onun tünd qırmızıya yaxın çalarları aktual olacaq. "Pantone" ekspertləri ilin rəngini adətən dizaynerlərin kolleksiyaları əsasında seçirdi. Lakin bu dəfə podiumda bu rəng praktiki olaraq müşahidə olunmayıb. Bəlkə də mütəxəssislər dizaynerlərin növbəti kolleksiyalarında bu rəngi görmək arzusundadır.

"Soyuğu və istini taravazlaşdıran qeyri-ənənəvi rəng. Cəsarətli, titrədən, güclü və ruhlandırıcı", - "Pantone" açıqlamasında bənövşəyini belə təqdim edib.

Bundan əlavə, bənövşəyi eksperimental ruh, süni intellekt və insan yaradıcılığı arasındakı əlaqənin dinamikasını tərənnüm edir. Yəqin ki, bu, son bir ildə böyük inkişaf əldə etmiş metaçılara bir işarədir.

Xatırladaq ki, 2022-ci ildə mavi tonlu lavanda ilin əsas rəngi idi və həqiqətən podiumlarda üstünlük təşkil edirdi.

Aytən Məftun