Dəb

Moda gecəsinə alt paltarında gəldilər - FOTO

6 Dekabr 2022 16:48

Dekabr ən yaxşıların ən yaxşısını qiymətləndirmək və mükafatlandırmaq ayıdır.

Publika.az xəbər verir ki, dünən ilin yekunları ilə bağlı Londonun məşhur "The Royal Albert Hall"da "The Fashion Awards 2022" moda mükafatlarının təqdim olunma mərasimi keçirilib.

Ən parlaq ulduzlar fotoqraflar qarşısında poza verərək gecədə ən dəbdəbəli paltarlarını nümayiş etdiriblər. Mərasimdə Britaniya kral ailəsinin nümayəndələri də iştirak edib. Keyt Middlton və Şahzadə Uilyam gəlməsə də, ledi Ameliya Vindzor və şahzadə Diananın qardaşı qızları Eliza və Ameliya Spenser qırmızı xalçadan keçiblər.

Mükafatlar təkcə ən yaxşı dizayner və modellərə deyil, həm də modanın gələcək inkişafına və onun irsinin qorunub saxlanmasına mühüm töhfə verən insanlara da təqdim olunub. Qaliblərdən biri əvvəlcədən məlum idi - Cefferson Hak.

Cefferson bu mükafata gənclərə yaradıcılıq yolunda kömək etdiyinə, eyni zamanda moda, dizayn, incəsənət və musiqi sahələrində çalışan yeni nəsil üçün saysız-hesabsız imkanlar yaratdığına görə layiq görülüb.

Gecənin əsas "İlin dizayneri" mükafatı "Valentino" moda evinin kreativ dizayneri Pierpaolo Piççioliyə təqdim olunub.

Ceffersonun məşhur model qızı Keyt Moss gecədə iştirak etməsə də, bir çox dünya ulduzları olub. Qonaqlar arasında Rita Ora xüsusilə seçilib.

O, gecəyə alt paltarında gəlib, üzərinə isə şəffaf qırmızı tül atıb. Rusiyalı model İrina Şeyk də yenidən diqqəti cəlb edib. Nə ilə? Bu dəfə podium modelinin uğursuz ayaqqabıları seksual bədən quruluşunu kölgədə qoyub. Belə ki, qəhvəyi parlaq ziyafət libası seçən ulduz onu eynirəngli zamşa başmaqla tamamlayıb.

"Ən yaxşı Britaniya brendi" nominasiyasında "Wales Bonner" qlaib gılib.