Husilərdən Səudiyyəyə İKİNCİ ZƏRBƏ: milyardlarla dolları göyə sovurdular, minlərlə əsgəri və... - FOTO
Bizi izləyin

Digər

Husilərdən Səudiyyəyə İKİNCİ ZƏRBƏ: milyardlarla dolları göyə sovurdular, minlərlə əsgəri və... - FOTO

Nəhəng neft şirkəti “Saudi Aramco”nu bombalayan Yəmənin Husi üsyançılarından Səudiyyə Ərəbistanına ikinci zərbə gəlib.

Publika.az xəbər verir ki, üsyançılar Səudiyyə Ərəbistanının cənub sərhəddində yerləşən Nəcran şəhərində keçirdiyi genişmiqyaslı hərbi əməliyyatda iki mindən çox koalisiya əsgərini əsir götürdüklərini, 200-dən çox əsgəri öldürdüklərini, ərəb koalisiyasının üç alayının darmadağın edildiyini və yüzlərlə zirehli texnikanın ələ keçirildiyini söyləyib.

Əməliyyatların görüntüləri də anbaan dərc edilib. Bu proseslər Səudiyyə Ərəbistanının hərbi kifayətliliyini şübhə altına alıb. Ordunun Husilər üzərində üstünlük əldə edə bilməməsi və Ər-Riyadın iddialar qarşısında səssiz qalması diqqət çəkir.

Husilərin hərbi sözçüsü Yahya Seri təşkil etdiyi mətbuat konfransında Silahlı Pilotsuz Uçuş Aparatları ilə 20-dən çox əməliyyat təşkil etdiklərini, bunlardan birinin paytaxt Ər-Riyaddakı həssas hərbi bir hədəfə gerçəkləşdirildiyini deyib.

Səudiyyə Ərəbistanı son 5 ildə ən çox silah alan ölkə mövqeyindədir. Ər-Riyad sadəcə 2018-ci ildə silaha 67 milyard dollar xərcləyib. Yəməndə 4 ildir davam edən hərbi qarşıdurmada torpaq itirməsi və Husilərin hücumlarına yaxşı cavab verə bilməməsi müdafiəyə xərclənən milyardlarla dolların havaya sovurulduğu sualını ağıllara gətirir.

Qeyd edək ki, Səudiyyə silahlarının 68%-ni ABŞ-dan, 16%-ni İngiltərədən, 4,3%-ni isə Fransadan tədarük edir.

Xatırladaq ki, sentyabrın 14-də Husilər Səudiyyə Ərəbistanının ən böyük neft platforması olan "Saudi Aramco"nu partlatmışdı.

Zümrüd

Oxumağa davam et
Reklam
Reklam

Gündəm