Digər

Alış-veriş mərkəzində girov götürülən 30 nəfərin aqibəti bəlli oldu - Cinayətkardan üzr istədilər (YENİLƏNDİ)

2 Mart 2020 17:18

Filippində fəaliyyət göstərən “V-Mall” ticarət mərkəzində girov götürülənlərin hamısı sərbəst buraxılıb.

Publika.az RİA “Novosti”yə istinadən xəbər verir ki, polis 30 nəfəri girov götürən ticarət mərkəzinin keçmiş mühafizəçisi ilə bir neçə saat danışıqlar aparıb.

Bu müddət ərzində cinayətkar şəxs tələblərini səsləndirib. O, işdən çıxmasında mühafizə idarəsinin rəhbərliyini günahlandırıb.

Rəhbərlik isə ondan üzr istəyib və istefa verməyə hazır olduğunu bildirib.

***

11:43

Filippinin San Xuan şəhərindəki alış-veriş mərkəzində 30 nəfər sabiq polis tərəfindən girov götürülüb.

Publika.az xəbər verir ki, yerli mətbuatda gedən xəbərlərə görə, AVM-də silah səsləri eşidilib və bina polis tərəfindən mühasirəyə alınıb. İçəridə qalan müştərilər təxliyə olunub.

Girovlardan biri yaralıdır. Təcili tibbi yardım briqadaları binanın həyətində gözləməkdədir.

Zümrüd