Qazaxıstan da karantin rejimini uzadır

Keçmiş səhvlərimizi təkrarlamamalıyıq.

Publika.az xəbər verir ki, bu sözləri Qazaxıstanın paytaxtı Nur-Sultanın valisi Altay Kulginov deyib.

Ölkədə karantin rejiminin uzadılması ilə bağlı danışan vali bildirib ki, qaydaların yumşaldılması yoluxma sayında artıma səbəb olub: “Fövqəladə vəziyyət elan etdik, karantinə girdik, ciddi qaydalara riayət etdik. Bu müəyyən dərəcədə kömək etdi. Bununla birlikdə, 11 maydan sonra karantin tədbirlərinin yumşaldılması ilə vətəndaşlar qaydaları unutmağa başladılar. Gördüyünüz kimi, xəstə insanların sayı artıb. Bu səhvləri təkrar etməməliyik. Diqqət etdiyiniz kimi, karantin rejimi düzgün yanaşma idi, həkimlərə və dövlət büdcəsinə yük yox idi. Fövqəladə hadisə zamanı vətəndaşlar işsiz qaldılar və rejimə tabe oldular. Bu, bizim üçün əhəmiyyətli bir xərc idi, ancaq gəlir yox idi. İndi iki həftəlik karantin tətbiq etmək məcburiyyətində qalırıq”.

O həmçinin qeyd edib ki, böyük şəhərlərdə tələbat olduğu üçün kafe-restoranların yay rejimində işinə icazə verilir: “İki həftə tez keçəcək. Əlbəttə ki, bəzi vətəndaşlar gözləməyə məcbur olurlar. Başqa tədbir görməsək, təbii ki, karantini uzatmalı olacağıq. Ancaq biz bunu istəmirik. Karantin müddətini uzatmamaq üçün keçmiş səhvləri nəzərə alıb təkrar etməməlidirlər".

Zümrüd