Dünya

Mosul İŞİD-dən təmizləndi: QƏLƏBƏ elan edildi

10 İyul 2017 09:41

İraqın Baş naziri Heydər əl-Əbadi ölkənin ikinci ən böyük şəhəri olan Mosulun İŞİD terror təşkilatı qüvvələrindən təmizləndiyini rəsmən elan edib.

Publika.az xəbər verir ki, o, bu münasibətlə şəhərdə mübarizə aparan əsgərləri və şəhər sakinlərini təbrik edib.

Şəhərin azad edilməsi üçün təşkil edilən əmliyyata İraq ordusu liderlik edib. Peşmərgə, Sünni ərəb tayfaları və Şiə milisləri orduya fərqli mövqelərdən yardım göstərib. Bir neçə cinahdan hücuma keçən bu birləşməyə ABŞ-ın liderlik etdiyi koalisiya qüvvələri havadan dəstək verib.

Qeyd edək ki, terror təşkilatı tərəfindən 2014-cü ildə ələ keçirilib xilafət elan olunan şəhərin geri alınması üçün hələ 2016-cı il oktyabr ayında əməliyyatlara başlanmışdı.

İŞİD-in əlində “Köhnə Şəhər” bölgəsinin bir neçə məhəlləsi qalmışdı. Qələbənin isə bu bölgələrin geri alınması ilə elan ediləcəyi bildirilmişdi.

Zümrüd