Ankarada "15 iyul hadisələri"nin ildönümü ilə bağlı YÜRÜŞ

Türkiyədə 15 iyul hərbi çevriliş cəhdinin ildönümü paytaxt Ankarada qeyd edilir.

Publika.az xəbər verir ki, bu gün Kızılay meydanından Türkiyə Böyük Millət Məclisinə Milli Birlik Yürüşü başlanıb.

Qeyd edək ki, saat 01.00 radələrində yürüş iştirakçılarının parlamentin mərasim meydanına daxil olmasının, saat 02.00-da Türkiyə prezidenti Rəcəb Tayyib Ərdoğanın iştirakı ilə parlament önündə aksiyanın başlaması planlaşdırılıb. Saat 02.35-də Milliyətçi Hərəkat Partiyasının sədri Dövlət Baxçalı, baş nazir Binəli Yıldırım, parlament sədri İsmayıl Qəhrəman və R. T. Ərdoğan çıxış edəcəklər. Saat 03.10 radələrində Türkiyənin 81 rayonundan gənclərin gətirdikləri bayraqlar Türkiyə prezidentinə və parlament sədrinə təqdim ediləcək. Saat 03.50 radələrində Millət məscidində sabah namazı qılınacaq. Daha sonra Prezident Sarayında 15 iyul şəhidlərinin xatirəsinə həsr olunmuş abidənin açılışı olacaq, tədbirdə R. T. Ərdoğan çıxış edəcək.

Türkiyə üzrə demokratiyanın qorunması ilə bağlı aksiyalar 16 iyul saat 00.00-da başa çatacaq.