Ərdoğan ABŞ-a MEYDAN OXUDU: “Biz ora gələcəyik” - VİDEO

“Ortada çox açıq və dəqiq bir şey var. Sizin ya Türkiyə, ya İran, ya da Rusiya ilə hesabınız var”.

Publika.az Türkiyə KİV-inə istinadən xəbər verir ki, bunu ölkə prezidenti Rəcəb Tayyib Ərdoğan Ədalət və İnkişaf Partiyasının (AKP) qrup toplantısında çıxışında deyib.

“Afrindəki əməliyyatlar qərarlı şəkildə davam edəcək. İdliblə davam edəcəyik. “Nə zaman bitəcək” sualını verənlərdən soruşuram ki, siz Əfqanıstandakı əməliyyatları, İraqdakı əməliyyatları nə zaman bitirdiniz? 18 il oldu, hələ də oradasınız. Bizim Suriya ilə 911 kilometr sərhədimiz var. Bu günə qədər terrorçuların 700-dən çox hücumuna məruz qalmışıq, 100-dən artıq şəhidimiz var. Bunu Amerika eşidirmi, görürmü? Bizə çox şeyi doğru danışmadılar. Barak Obama doğru danışmadı. İndi Tramp da eyni yolu gedir. “Münbiçdən çıxacağıq” dedilər. İndi çıxın. Ora kimləri gətirdiniz? PYD-ni, YPG-ni, PKK-nı. Bunların Suriyanın şimalında nə işi var? Bunları Münbicdə yerləşdirirsiniz və bizə hələ də “Münbiçə gəlməyin” deyirsiniz. Biz Münbiçi əsl sahiblərinə təslim etmək için gələcəyik”.

Ömər Dağlı