Dünya

Prezident o təbii yataqların istifadəsini qadağan etdi

16 Dekabr 2019 12:25

Qırğızıstan prezidenti Sooronbay Jeenbekov uran mədənləri ilə bağlı yeni qanun imzalayıb.

Publika.az RİA “Novosti”yə istinadən xəbər verir ki, prezident Qırğızıstan Respublikasında uran, torium yataqlarının axtarışı, geoloji kəşfiyyatı və işlənməsi məqsədi ilə aparılan faydalı qazıntı işlərini, həmçinin radioaktiv xammal və tullantıların ölkəyə idxalını qadağan edən qanuna imza atıb.

Prezident aparatından verilən məlumata görə, qanunun məqsədi radiasiya və ekoloji təhlükəsizliyi təmin etməklə, insanların sağlamlığının qorunmasıdır.

Qeyd edək ki, 2012-ci ildən bəri Qırğızıstandakı “YurAsia” investorları təkcə geoloji kəşfiyyata 271 milyon som (4 milyon dollar) sərmayə qoyub.

Xatırladaq ki, İssık-Kul vilayətində uran yatağının işlənməsi mart-aprel aylarında böyük etirazlara səbəb olmuşdu. Hasilatın qadağan olunması ilə bağlı petisiyanı 20 mindən çox sakin imzalamışdı. Ölkə parlamentində uran hasilatını qadağan edən qanun oktyabrın sonunda qəbul edilmişdi.